ឆេះរោងចក្រឧស្ម័នមួយនៅម៉ិកស៊ិកស្លាប់26នាក់
បញ្ចូលអត្ថបទ ៖ ស្រីណា កោះ
ថ្ងៃពុធ ទី១៩ ខែកញ្ញា ឆ្នាំ២០១២ ម៉ោង ១៧:០៤
គេហទំព័របរទេស
រោងចក្រឧស្ម័នមានភ្លើងឆេះ
ក្រុមហ៊ុនរដ្ឋរាយការណ៍ថាមនុស្សយ៉ាងតិច២៦នាក់ស្លាប់ និង៧នាក់បាត់ខ្លួនកាលពីថ្ងៃទី១៨ កញ្ញា ដោយសារភ្លើងឆាបឆេះផ្នែកទទួលនិងចែកចាយឧស្ម័ននៃរោងចក្រឧស្ម័នមួយរបស់ក្រុមហ៊ុនប្រេងកាតមិុចសុិក PEMEX ស្ថិតនៅជិតព្រំដែនជាមួយសហរដ្ឋអាមេរិក ។
ក្នុងសេចក្តីប្រកាសមួយ ក្រុមហ៊ុននោះនិយាយថា PEMEX មានការសោកស្តាយជូនដំណឹងថា នាម៉ោងនេះមានមនុស្ស២៦នាក់ ស្លាប់និង៧នាក់បាត់ខ្លួនក្រោយគ្រោះថ្នាក់នេះ ។អគ្គិភ័យនេះ កើតមាននាវេលាម៉ោង១០និង៤៥នាទីព្រឹក ម៉ោងក្នុងស្រុកថ្ងៃទី១៨ កញ្ញា ក្នុងផ្នែកទទួលនិងចែកចាយឧស្ម័ន ស្ថិតនៅជិតផ្លូវថ្នល់មួយនាភាគឦសានប្រទេស ។ នេះជាលើកទី៣ហើយ ដែលកើតមានគ្រោះថ្នាក់ក្នុងបណ្តាទីតាំងរបស់PEMEX រយៈពេលជាង១ខែបន្តិចប៉ុណ្ណោះ ៕
