លោកនាយកសាលាបឋមសិក្សាព្រៃវល្លិ៍ ត្រូវក្មេងទំនើងព្រួតវាយសន្លប់ធំ
បញ្ចូលអត្ថបទ ៖ បុប្ផា កោះ
ថ្ងៃអង្គារ ទី២៨ ខែសីហា ឆ្នាំ២០១២ ម៉ោង ១៧:០៧
Update Required
To play the media you will need to either update your browser to a recent version or update your
Flash plugin.
ខេត្តស្វាយរៀង ៖ ក្រុមក្មេងទំនើង២ទៅ៣នាក់បាននាំគ្នាព្រួតវាយលោកនាយកសាលាបឋមសិក្សាព្រៃវល្លិ៍ រហូតបែកមុខបែកមាត់ និងដងខ្លួនសន្លប់ធំ ខណៈលោកនាយកកំពុងដេកនៅលើគ្រែសំយាបសាលា ហើយនាំគ្នារត់គេចខ្លួនបាត់ដោយសុវត្ថិភាព ។
ទាក់ទិននឹងក្មេងទំនើងវាយលោកនាយកសាលាលោកវរសេនីយ៍ត្រី ហែម សាមុត អធិការនគរបាលស្រុកកំពង់រោទិ៍ បានប្រាប់ឱ្យដឹងថា ករណីនេះបានកើតឡើងកាលពីវេលាម៉ោង១២និង៤០នាទីរំលងអធ្រាត្រឈានចូលថ្ងៃទី២៦ សីហា។ ជនរងគ្រោះឈ្មោះហ៊ាន អាយុ៤០ឆ្នាំ ជានាយកសាលាបឋមសិក្សាព្រៃវល្លិ៍ មានទីលំនៅភូមិព្រៃវល្លិ៍ ឃុំថ្មី ស្រុកកំពង់រោទិ៍ ត្រូវក្រុមក្មេងទំនើងប្រមាណជា២ទៅ៣នាក់ បានចូលទៅព្រួតវាយ នឹងស្នាប់ដៃចំផ្ទៃមុខ មាត់ ព្រមទាំងដងខ្លួនបែកឈាមរបួសធ្ងន់ធ្ងរ។ ការវាយប្រហារពីសំណាក់ក្មេងទំនើងនេះ គឺវាយរហូតដល់សន្លប់ ទើបជនល្មើសនាំគ្នារត់គេចខ្លួន។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
