មនុស្សច្រើនពាន់នាក់ធ្វើបាតុកម្មនៅកូវ៉ែត
បញ្ចូលអត្ថបទ ៖ ស្រីណា កោះ
ថ្ងៃអង្គារ ទី២៨ ខែសីហា ឆ្នាំ២០១២ ម៉ោង ១៦:៥៨
គេហទំព័របរទេស
ពួកបាតុករកូវ៉ែត
Update Required
To play the media you will need to either update your browser to a recent version or update your
Flash plugin.
មនុស្សប្រមាណជា២.០០០នាក់បាននាំគ្នាធ្វើបាតុកម្មកាលពីយប់ថ្ងៃទី២៧ទៅ២៨ សីហា នៅប្រទេសកូវ៉ែត តាមការអំពាវនាវរបស់គណបក្សប្រឆាំងដែលតវ៉ាចំពោះការកែប្រែច្បាប់បោះឆ្នោតស្នើឡើងដោយរដ្ឋាភិបាល ។ពួកបាតុករក្នុងនោះមានសមាជិកសភា១៩រូបតំណាងឱ្យគណបក្សផ្សេងៗមានវត្តមានក្នុងសភា តំណាងនៃបណ្តាកម្លាំងនយោបាយនិងចលនាយុវជនបានប្រមូលផ្តុំគ្នាធ្វើបាតុកម្មក្រោមប្រធានបទ«ប្រជាជនជាប្រភពនៃអធិបតេយ្យភាព »។
វាគ្មិនទាំងឡាយអះអាងថាពួកប្រឆាំងនឹងធ្វើពហិការដល់ការបោះឆ្នោតនាពេលខាងមុខនេះប្រសិនបើច្បាប់បោះឆ្នោតត្រូវកែប្រែហើយទាមទារបង្កើតរបបរាជានិយមអាស្រ័យរដ្ឋធម្មនុញ្ញមួយរួចបង្កើតរដ្ឋាភិបាលមួយចេញពីការបោះឆ្នោត ។
បាតុកម្មនោះដែលរៀបចំធ្វើនាពេលយប់ព្រោះធាតុអាកាសក្តៅខ្លាំងប្រព្រឹត្តទៅខណៈដែលប្រទេសកូវ៉ែតដែលគេចផុត ពីនិទាឃរដូវអារ៉ាប់ ឆ្លងកាត់នូវវិបត្តិនយោបាយថ្មីមួយ ។
ក្រោយបាតុកម្មមួយចំនួនរដ្ឋអំណាចបានរំលាយសភាកាលពីខែធ្នូឆ្នាំ២០១១រួចបោះឆ្នោតមុនកាលកំណត់មួយកាលពីខែកុម្ភៈដែលជ័យជម្នះបានទៅលើគណបក្សប្រឆាំងអ៊ិស្លាមនិយម។ ក៏ប៉ុន្តែតាមរយៈការសម្រេចមួយពុំធ្លាប់ដែលមាន តុលាការធម្មនុញ្ញកាលពីថ្ងៃទី២០ ឧសភា បានលុបចោលសុពលភាពការបោះឆ្នោតសភាខែកុម្ភៈរំលាយសភាកើតចេញពីការបោះឆ្នោតនោះ ហើយផ្តល់សុពលភាពវិញដល់សភាបោះឆ្នោតកាលពីឆ្នាំ២០០៩ដែលសិ្នទ្ធរដ្ឋាភិបាល ។ប៉ុន្តែសភានោះពុំអាចរួមប្រជុំបានមកពីបញ្ហាកូរ៉ូម ៕
