រាជធានីភ្នំពេញ ៖ លោកវរសេនីយ៍ទោ ប៊ន សំអាត អធិការនគរបាលខណ្ឌពោធិ៍សែនជ័យ បានដឹកនាំកម្លាំងមន្ត្រីក្រោមឱវាទដាក់គោលដៅត្រួតពិនិត្យអាវុធជាតិផ្ទុះ និងជាតិស្រវឹងដើម្បីទប់ស្កាត់បទល្មើសគ្រប់ប្រភេទ និងពង្រឹងសន្តិសុខសុវត្ថិភាពជូនប្រជាពលរដ្ឋនៅក្នុងមូលដ្ឋាន ។
សកម្មភាពត្រួតពិនិត្យអាវុធជាតិផ្ទុះខាងលើនោះបានធ្វើឡើងកាលពីល្ងាចថ្ងៃទី២៧ សីហា ២០១២ នៅលើកំណាត់ផ្លូវលេខ២០០៤ ត្រង់ចំណុចភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ដោយមានការចូលរួមពីសំណាក់លោកអធិការរង និងមន្ត្រីប៉ូលិសក្រោមឱវាទជាច្រើនរូបទៀត ។
លោកវរសេនីយ៍ទោ ប៊ន សំអាត បានថ្លែងឱ្យដឹងថា ការត្រួតពិនិត្យអាវុធជាតិផ្ទុះ និងជាតិស្រវឹងនេះគឺ បានធ្វើឡើងជារៀងរាល់ថ្ងៃ ជាពិសេសនៅពេលយប់តែម្តង គឺធ្វើឡើងក្នុងទ្រង់ទ្រាយធំ ។ នេះគឺជាការអនុវត្តតាមបទបញ្ជារបស់អគ្គស្នងការនគរបាលជាតិក៏ដូចជាការណែនាំជាប់ជាប្រចាំពីសំណាក់លោកកែប ជុតិមា អភិបាលរាជធានីភ្នំពេញ លោកទូច ណារ៉ុថ ស្នងការនគរបាលរាជធានីភ្នំពេញ និងការគិតគូររបស់លោកគិត សុផា អភិបាលខណ្ឌ ដើម្បីពង្រឹងសន្តិសុខនៅក្នុងមូលដ្ឋានទប់ស្កាត់រាល់បទល្មើសនានា ការពារសុវត្ថិភាពជូនប្រជាពលរដ្ឋនៅក្នុងមូលដ្ឋាន ហើយនៅក្នុងប្រតិបត្តិការត្រួតពិនិត្យនោះមិនមានអាវុធ ឬអ្នកស្រវឹងធ្វើចរាចរណ៍ឆ្លងកាត់នោះឡើយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ