ក្រសួងមហាផ្ទៃហ្គំប៊ី អះអាងកាលពីថ្ងៃទី ២៧ សីហា តាមរយៈសេចក្តីថ្លែងការណ៍មួយពី ការប្រហារជីវិតអ្នកទោស៩នាក់ ជាង១សបា្តហ៍ បន្ទាប់ពីប្រធានាធិបតីប្រទេសនេះលោក យ៉ាហ៍យ៉ា ហ្សាម ម៉េហ៍ សច្ចាប្រើទោសប្រហារជីវិត ដើម្បីប្រឈមមុខនឹងឧក្រិដ្ឋកម្មមានការរៀបចំ និងការគំរាមកំហែងភេរវកម្ម ។
យោងតាមសេចក្តីថ្លែងការណ៍នោះថា មនុស្ស៩នាក់ ត្រូវប្រហារជីវិត ។ ខណៈដែលអំពើមនុស្សឃាត អំពើប្លន់ និងការចាប់ពង្រត់ មនុស្សមានការកើនឡើងក្នុងប្រទេស ប្រធានាធិបតីហ្គំប៊ីថ្លែងកាលពីថ្ងៃទី១៨ សីហា កន្លងមកនេះថា រាល់រូបភាពនៃទោសដែលមានចែងក្នុងច្បាប់នឹងត្រូវរក្សាទុក ។ ពួកឧក្រិដ្ឋជននឹងទទួលនូវអ្វីដែលពួកគេបានប្រព្រឹត្ត ។ ពួកអ្នកដែលសម្លាប់មនុស្ស ត្រូវតែទទួលទោសប្រហារជីវិត ។ ទិសដៅរបស់យើង គឺបង្កើតប្រជាជាតិ មួយដែលមានភាពស្ងប់ស្ងាត់រីករាយ និងគ្មានអំពើឧក្រិដ្ឋ ៕
ចែករំលែកព័តមាននេះ