ឈុតការពារពន្លឺថ្ងៃកំពុងពេញនិយមនៅចិន
បញ្ចូលអត្ថបទ ៖ ស្រីណា កោះ
ថ្ងៃអាទិត្យ ទី១៩ ខែសីហា ឆ្នាំ២០១២ ម៉ោង ១៧:០៧
គេហទំព័របរទេស
ឈុតការពារពន្លឺថ្ងៃកំពុងពេញនិយមនៅចិន
សារព័ត៌មានបរទេសផ្សាយឱ្យដឹងថា បច្ចុប្បន្នមានទំនោរថ្មីសម្រាប់ភ្ញៀវទេសចរនៅមាត់សមុទ្រក្នុងប្រទេសចិន ដោយនាំគ្នាពាក់ម៉ាស់មុខ និងឈុតរុំជិត ដើម្បីគេចពីកាំរស្មីព្រះអាទិត្យ គឺឈុតហ្វេសគីនី ។ឈុតនោះជាឈុតដ៏ពេញនិយមសម្រាប់ភ្ញៀវទេសចរកម្សាន្តនៅមាត់សមុទ្រក្នុងទីក្រុងឈីងតៅ តំបន់សានទុង ភាគខាងកើតឆៀងខាងជើងប្រទេសចិន ។ ឈុតនោះគេចេញម៉ូដដើម្បីប្រយុទ្ធប្រឆាំងនឹងពន្លឺថ្ងៃ និងមានប្រសិទ្ធភាពសម្រាប់បណ្តេញសត្វល្អិត រួមទាំងចៃទឹកផងដែរ ។
តាមរបាយការណ៍បញ្ជាក់ថា ឈុតនោះចេញរយៈពេលជាច្រើនឆ្នាំមកហើយ ប៉ុន្តែទើបតែទាក់ទាញការចាប់អារម្មណ៍ពីមនុស្សនៅទូទាំងប្រទេស ខណៈពេលទីភ្នាក់ងារព័ត៌មានរបស់ចិនបង្ហាញរូបភាពនៃការស្លៀកពាក់ឈុតនោះ មានលក្ខណៈស្រដៀងនឹងមនុស្សក្នុងខ្សែភាពយន្តគំនូរជីវចល ៕
