តារាសម្តែងចិន ហ្វាន់ ប៊ីងប៊ីង សារភាពថា ចាប់ផ្តើមបង្កាត់ភ្លើងស្នេហ៍សាជាថ្មី
បញ្ចូលអត្ថបទ ៖ បុប្ផា កោះ
ថ្ងៃអាទិត្យ ទី១៩ ខែសីហា ឆ្នាំ២០១២ ម៉ោង ១៧:០៤
កោះសន្តិភាព
តារាសម្តែងចិន ហ្វាន់ ប៊ីងប៊ីង
យោងទៅតាមប្រភពព័ត៌មានពីគេហទំព័របរទេសចេញផ្សាយកាលពីថ្ងៃព្រហស្បតិ៍ទី១៦ សីហា ឆ្នាំ២០១២ បានឱ្យដឹងថា តារាសម្តែងចិននាងហ្វាន់ ប៊ីងប៊ីង បានសារភាពថា នាងកំពុងតែមានទំនាក់ទំនងស្នេហាជាមួយបុរសម្នាក់ តែនាងមិនទាន់បានបង្ហើបប្រាប់ឈ្មោះឱ្យដឹងនៅឡើយទេ ។
នៅក្នុងពិធីបើកសម្ពោធខ្សែភាពយន្តថ្មីរបស់នាងដែលមានចំណងជើងថា “Double X posure”តារាសម្តែងវ័យ៣០ឆ្នាំរូបនេះបាននិយាយនៅចំពោះមុខអ្នកយកព័ត៌មានថា «ខ្ញុំពិតជាបានបណ្តុះពន្លកស្នេហ៍ជាមួយបុរសម្នាក់ពិតមែន ហើយខ្ញុំកំពុងតែព្យាយាមរកពេលវេលាសមរម្យណាមួយដើម្បីបង្ហាញមុខអនាគតស្វាមីរបស់ខ្ញុំ ឱ្យអ្នករាល់គ្នាបានស្គាល់ ។
ទាក់ទងទៅនឹងសំណួររបស់អ្នកកាសែតដែលបានសួរពីបញ្ហាបែកបាក់អតីតមិត្តប្រុសនាងបាននិយាយថា ៖ មូលហេតុមានតែមួយគត់គឺថា គាត់ជាមនុស្សមិនស្មោះត្រង់ ក៏ប៉ុន្តែខ្ញុំក៏មិនឈឺចាប់ខ្លាំងពេកនោះទេ ចំពោះការបែកបាក់ស្នេហាលើកទី១នេះ ។
គួររំលឹកដែរថា នៅក្នុងរឿង “Double X posure” នាងសម្តែងជាតួស្ត្រីម្នាក់ដែលព្យាយាមតស៊ូដោះស្រាយអាថ៌កំបាំងទំនាក់ទំនងរវាងគូស្នេហ៍ និងមនុស្សជំនិតរបស់នាង ៕
