ខេត្តព្រៃវែង ៖ បុរសម្នាក់ត្រូវនគរបាលក្រុងព្រៃវែង ឃាត់ខ្លួនកាលពីថ្ងៃទី១៤ សីហា បញ្ជូនទៅការិយាល័យជំនាញ បន្ទាប់ពីសាកសួរ និងបញ្ជូនបន្តទៅសាលាដំបូងខេត្ត កាលពីព្រឹកថ្ងៃទី១៥ សីហា ។
ខេត្តព្រៃវែង ៖ បុរសម្នាក់ត្រូវនគរបាលក្រុងព្រៃវែង ឃាត់ខ្លួនកាលពីថ្ងៃទី១៤ សីហា បញ្ជូនទៅការិយាល័យជំនាញ បន្ទាប់ពីសាកសួរ និងបញ្ជូនបន្តទៅសាលាដំបូងខេត្ត កាលពីព្រឹកថ្ងៃទី១៥ សីហា ។
លោកវរសេនីយ៍ត្រី ចាន់ ណារិទ្ធ អធិការនគរបាលក្រុងព្រៃវែង បានឱ្យដឹងថា ការឃាត់ខ្លួនបុរសឈ្មោះ ណី កុសល អាយុ២៦ឆ្នាំ មានទីលំនៅភូមិព្រៃស្វាយ ឃុំចុងអំពិល ស្រុកកញ្ជ្រៀច ខេត្តព្រៃវែង ធ្វើឡើងតាមបណ្តឹងរបស់នារីរងគ្រោះ អាយុ២០ឆ្នាំ នៅឃុំព្រែកដាច់ ស្រុកលើកដែក ខេត្តកណ្តាល អ្នកលក់ស្រាបៀរនៅហាងមួយក្នុងភូមិ៦ សង្កាត់កំពង់លាវ ក្រុងព្រៃវែង បានប្តឹងថា កាលពីល្ងាចថ្ងៃទី២ សីហា ឈ្មោះ ណី កុសល និងមិត្តភក្តិ២នាក់ទៀត បានជិះម៉ូតូ១គ្រឿងមកផឹកស៊ីនៅហាងនាងពួន ។ ពេលផឹកស៊ីបានបន្តិចឈ្មោះ ណី កុសល បានបបួលនាងទៅរួមរ័កនៅផ្ទះសំណាក់ក្នុងតម្លៃ ៥០.០០០រៀល ។ ពេលត្រូវរ៉ូវគ្នាហើយ ឈ្មោះ ណី កុសល ក៏ដឹកនាងទៅផ្ទះសំណាក់ចុងប៉ម ដោយទុកមិត្តភក្តិ២នាក់ទៀត អង្គុយចាំខ្លួននៅក្នុងហាង ។ ពេលនាំគ្នាទៅឡើងឋានសួគ៌រួចហើយ ជនជាប់ចោទបែរជាយកលុយពីហោប៉ៅស្ត្រីរូបនេះចំនួន ៥០.០០០រៀល រួមជាមួយទូរស័ព្ទ១គ្រឿងទៀតម៉ាក NOKIA ហើយឡើងជិះម៉ូតូមកមុនបាត់ ដោយទុកនាងចោលនៅផ្ទះសំណាក់ ហើយឌុបមិត្តភក្តិរបស់ខ្លួនគេចចេញពីហាងទៅបាត់ ។
នៅចំពោះមុខ ឈ្មោះណី កុសល និយាយថា ក្នុងខែសីហា ២០១២ វេលាម៉ោង ៦ល្ងាចខ្លួននិងមិត្តភក្តិ២នាក់ទៀត ជិះម៉ូតូឌុបគ្នាមកផឹកស៊ីនៅហាងនាងពួន និងមាននារីកំដរម្នាក់មិនស្គាល់ឈ្មោះបានមកបបួលខ្លួនទៅរួមរ័កក្នុងតម្លែ ៥០.០០០រៀល ។ ដោយការរួមរ័កនោះមានរយៈពេលយូរពេកស្ត្រីនោះក៏រើបម្រះ ហើយធាក់ខ្លួន១ជើង ធ្លាក់ពីលើគ្រែ ខ្លួនងើបឡើងគំរាមរកវាយ រួចក៏យកលុយ ៥០.០០០រៀល និងទូរស័ព្ទ១គ្រឿងពីនាងឡើងជិះម៉ូតូមកចោល ។
មន្ត្រីប៉ូលិសនិយាយថា បុរសនេះចេះខិលខូច តែខ្វះភាពថ្លៃថ្នូរមិនគិតពីប្រយោជន៍អ្នកដទៃ ដូច្នេះត្រូវតែមានទោសពីបទឆបោករួមរ័កមិនឱ្យលុយ ៕
ចែករំលែកព័តមាននេះ