រាជធានីភ្នំពេញ ៖ រថយន្តដឹកដីម៉ាក ISUZU មួយគ្រឿងបើកឡើងស្ពានអាកាស៧មករា ស្រាប់តែរលត់ម៉ាស៊ីនត្រូវអ្នកបើកទាញចង្កូតទប់ដោយបញ្ចៀសនូវគ្រោះថ្នាក់កិនអ្នកដំណើរដែលនៅពីក្រោយក៏ជ្រុលទៅបុករនាំងដែកបាក់ដួលចំនួន៥កង់ ហើយអ្នកបើកបររត់គេចខ្លួនបាត់ ។ ទោះបីជា
រាជធានីភ្នំពេញ ៖ រថយន្តដឹកដីម៉ាក ISUZU មួយគ្រឿងបើកឡើងស្ពានអាកាស៧មករា ស្រាប់តែរលត់ម៉ាស៊ីនត្រូវអ្នកបើកទាញចង្កូតទប់ដោយបញ្ចៀសនូវគ្រោះថ្នាក់កិនអ្នកដំណើរដែលនៅពីក្រោយក៏ជ្រុលទៅបុករនាំងដែកបាក់ដួលចំនួន៥កង់ ហើយអ្នកបើកបររត់គេចខ្លួនបាត់ ។ ទោះបីជាយ៉ាងណាពុំបង្កឱ្យនរណាម្នាក់រងរបួសឡើយ ។
គ្រោះថ្នាក់នេះបានកើតឡើងកាលពីវេលាម៉ោង៦ព្រឹកថ្ងៃទី៥ សីហា ២០១២ នៅក្នុងសង្កាត់ទឹកល្អក់ទី១ ខណ្ឌទួលគោក ។ តាមសាក្សីនៅកន្លែងកើតហេតុបានឱ្យដឹងថា រថយន្តដឹកដីខាងលើធ្វើដំណើរតាមមហាវិថីសហព័ន្ធរុស្ស៊ីក្នុងទិសដៅពីកើតទៅលិច លុះពេលឡើងស្ពានអាកាស៧មករា បានប្រមាណ៥០ម៉ែត្រឡើងពុំរួចរលត់ម៉ាស៊ីនរអិលថយក្រោយ ។ ខណៈនោះដើម្បីបញ្ចៀសគ្រោះថ្នាក់កិនអ្នកដំណើរពីក្រោយអ្នកបើកបានទាញចង្កូតកាច់មកឆ្វេងក៏ទៅបុករនាំងដែកបណ្តាលឱ្យដួលអស់ចំនួន៥កង់។
រថយន្តបង្កត្រូវប៉ូលិសចរាចរចុះទៅស្ទូចបញ្ជូនទៅកាន់សាលារាជធានីភ្នំពេញ ដើម្បីសងការខូចខាត ចំណែកអ្នកបើកបរដាក់មេប្រូចបាត់ស្រមោល ៕
ចែករំលែកព័តមាននេះ