កីឡាករលូស៊ីយ៉ូ ខ្សែការពារក្លិប Inter Milan ប្រកាសចាកចេញពីក្លិប
បញ្ចូលអត្ថបទ ៖ ស្រីណា កោះ
ថ្ងៃអង្គារ ទី២៤ ខែកក្កដា ឆ្នាំ២០១២ ម៉ោង ១៥:០៤
គេហទំព័របរទេស
កីឡាករលូស៊ីយ៉ូ
Inter Milan ជាក្លិបឆ្នើមក្នុងក្របខណ្ឌ Calcio Serie A អីុតាលី បានប្រកាសចែកផ្លូវជាមួយកីឡាករលូស៊ីយ៉ូ ខ្សែការពារដ៏សំខាន់របស់ក្លិបតាមតម្រូវការរបស់សាមីខ្លួន ។កិច្ចសន្យាបច្ចុប្បន្នរបស់អតីតខ្សែការពារក្រុមជម្រើសជាតិប្រេស៊ីលរូបនេះនៅសល់រយៈពេល២ឆ្នាំទៀតជាមួយក្លិប ប៉ុន្តែតំណាងផ្ទាល់របស់ខ្សែការពារបានសម្រេចចិត្តសុំលុបចោលកិច្ចសន្យា និងចុះក្នុងបញ្ជីលក់តាមការពេញចិត្តរបស់ភាគីទាំង២ ។
ចំណែកក្លិបបានបញ្ជាក់តាមប្រព័ន្ធវេបសាយរបស់ខ្លួនថា «Inter Milan សូមប្រកាសថា ក្លិប និងកីឡាករលូស៊ីយ៉ូ បានលុបចោលកិច្ចសន្យាជាផ្លូវការហើយ ខណៈដែលអតីតខ្សែការពារក្រុមជម្រើសជាតិប្រេស៊ីលរូបនេះនៅមានកិច្ចសន្យាជាមួយយើងរហូតដល់ថ្ងៃទី៣០ មិថុនា ឆ្នាំ២០១៤ » ។
