រាជធានីភ្នំពេញ ៖ អង្គប្រជុំពេញអង្គគណៈរដ្ឋមន្ត្រីក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ត្រូវបានប្រារព្ធឡើងនៅទីស្តីការនាយករដ្ឋមន្ត្រីវិមានសន្តិភាពនាព្រឹកថ្ងៃទី២០ កក្កដា លើរបៀបវារៈដែលត្រូវលើកមកពិភាក្សារួមមានដូចខាងក្រោម ៖
១-សេចក្តីព្រាងផែនការយុទ្ធសាស្ត្រអភិវឌ្ឍន៍ទេសចរណ៍ ២០១២-២០២០ ។
២-សេចក្តីព្រាងគោលនយោបាយជាតិ ស្តីពី បរិស្ថាន និងសុខភាព ។
៣-សេចក្តីព្រាងអនុក្រឹត្យស្តីពីការរៀបចំ និងការប្រព្រឹត្តទៅរបស់អគ្គលេខាធិការដ្ឋាននៃគណៈស្ថាបត្យករកម្ពុជា ។
៤-បញ្ហាផ្សេងៗ ៖ សំណើសុំការយល់ព្រមពីគណៈរដ្ឋមន្ត្រី ដើម្បីផ្ញើសុំសច្ចាប័នពីស្ថាប័ននីតិប្បញ្ញតិលើ ៖
+អនុសញ្ញាចំនួន២របស់អាជ្ញាធរជាតិអាវុធគីមី ៖
-អនុសញ្ញាស្តីពីការជូនដំណឹងជាបន្ទាន់ពីគ្រោះថ្នាក់មហន្តរាយនុយក្លេអ៊ែរ ។
-អនុសញ្ញាស្តីពីសុវត្ថិភាពនុយក្លែអ៊ែរ ។
+កិច្ចព្រមព្រៀងពិធីសារ និងអនុស្សរណៈយោគយល់គ្នារបស់រដ្ឋលេខាធិការដ្ឋានអាកាសចរស៊ីវិល ៖
-កិច្ចព្រមព្រៀងពហុភាគីអាស៊ានស្តីពីសេរីភាវូបនីយ៍កម្មពេញលេញនៃសេវាកម្មដឹកជញ្ជូនអ្នកដំណើរតាមផ្លូវអាកាស រួមទាំងពិធីសារចំនួន២ ។
-ពិធីសារអនុវត្តបញ្ចប់កិច្ចសន្យាទី៦ នៃ សេវាកម្មដឹកជញ្ជូនតាមផ្លូវអាកាសនៅក្នុងតំបន់អាស៊ាន ។
-អនុស្សរណៈយោគយល់ ស្តីពីកិច្ចសន្យាសេវាកម្មផ្លូវអាកាសរបស់អាស៊ានជាមួយដៃគូ ៕
ចែករំលែកព័តមាននេះ