រាជធានីភ្នំពេញ ៖ នគរបាលផ្នែកព្រហ្មទណ្ឌនៃអធិការដ្ឋាននគរបាលខណ្ឌដូនពេញ បានចុះបង្រ្កាប និងឃាត់ខ្លួនជនសង្ស័យជួញដូរគ្រឿងញៀនបានពីរនាក់នៅត្រង់ចំណុចកែងផ្លូវលេខ៦៣ និង១៤២ ស្ថិតក្នុងសង្កាត់ផ្សារថ្មី១ ខណ្ឌដូនពេញ កាលពីវេលាមោ៉ង៧យប់ថ្ងៃទី១៧ កក្កដា ២០១២។
រាជធានីភ្នំពេញ ៖ នគរបាលផ្នែកព្រហ្មទណ្ឌនៃអធិការដ្ឋាននគរបាលខណ្ឌដូនពេញ បានចុះបង្រ្កាប និងឃាត់ខ្លួនជនសង្ស័យជួញដូរគ្រឿងញៀនបានពីរនាក់នៅត្រង់ចំណុចកែងផ្លូវលេខ៦៣ និង១៤២ ស្ថិតក្នុងសង្កាត់ផ្សារថ្មី១ ខណ្ឌដូនពេញ កាលពីវេលាមោ៉ង៧យប់ថ្ងៃទី១៧ កក្កដា ២០១២។
យោងតាមរបាយការណ៍របស់នគរបាលបានឲ្យដឹងថា ជនសង្ស័យជួញដូរគ្រឿងញៀនដែលឃាត់ខ្លួន ១-ឈ្មោះសុីន ពីឡុត ភេទប្រុស អាយុ២៥ឆ្នាំ ស្នាក់នៅផ្ទះលេខ១៩ ផ្លូវលេខ១៣៦ សង្កាត់ផ្សារថ្មី៣ ខណ្ឌដូនពេញ និង២-ឈ្មោះយុត ស៊ីពៅ ភេទស្រី អាយុ២៩ឆ្នាំ ស្នាក់នៅផ្ទះជួល ផ្លូវរទេះភ្លើង សង្កាត់ទួលសង្កែ ខណ្ឌឫស្សីកែវ។
បច្ចុប្បន្នជនសង្ស័យជួញដូរគ្រឿងញៀនទាំងពីរខាងលើត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ