រាជធានីភ្នំពេញ ៖ ការប្រកួតកីឡាហែលទឹកដណ្តើមពានរង្វាន់ធនាគារវឌ្ឍនៈលើកទី១ នាឆ្នាំ២០១២ ដែលធ្វើឡើងនៅអាងហែលទឹកក្នុងពហុកីឡដ្ឋានជាតិអូឡាំពិក រាជធានីភ្នំពេញ កាលពីថ្ងៃទី១៧ កក្កដា កន្លងទៅនេះ បានបញ្ចប់២វិញ្ញាសាហើយ ។
វិញ្ញាសាទី១ ផ្នែកនារី អាយុ១៦ ឆ្នាំឡើង (ហែល១០០ម៉ែត្ររបៀបសេរី) លេខ១ បានទៅលើកីឡាការិនី ហែម ថុនវិទិនី មកពីក្លិបគមនាគមន៍, លេខ២ បានទៅលើកីឡាការិនី សេង សម្ផស្ស មកពីក្លិបវិទ្យាល័យជម្ពូវ័ន និងលេខ៣ បានទៅលើកីឡាការិនី សុវណ្ណ បុទុមពរមកពីក្លិបមជ្ឈមណ្ឌលជាតិហ្វឹកហ្វឺនកីឡា ។
វិញ្ញាទី២ ផ្នែកបុរស អាយុក្រោម១៦ឆ្នាំ (ហែល១០០ម៉ែត្ររបៀបផ្ងារ) លេខ១ បានទៅលើកីឡាករ មាស រិទ្ធី មកពីក្លិបវិទ្យាល័យជម្ពូវ័នលេខ២ បានទៅលើកីឡាករ ឆោម ចាន់ថន មកពីក្លិបគមនាគមន៍ និងលេខ៣ បានទៅលើកីឡាករ ម៉េត ភក្ត្រា មកពីក្លិបមជ្ឈមណ្ឌលហ្វឹកហ្វឺនកីឡា ។
សូមបញ្ជាក់ថា តាមគម្រោងរបស់គណៈកម្មការរៀបចំការប្រកួតគឺការប្រកួតនាថ្ងៃនោះត្រូវធ្វើឡើងចំនួន៧វិញ្ញាសា តែដោយសារមេឃមិនអំណោយផលមានភ្លៀងធ្លាក់ខ្លាំងពេកមិនអាចដំណើរការកម្មវិធីបន្តទៀតបាន ទើបគណៈកម្មការសម្រេចផ្អាកការប្រកួតត្រឹម២វិញ្ញាសាសិន នៅ៥វិញ្ញាសាទៀតត្រូវប្រកួតបន្តនៅថ្ងៃស្អែក (១៨ កក្កដា) ៕
ចែករំលែកព័តមាននេះ