រាជធានីភ្នំពេញ ៖ រថយន្តកាមរីឆ្លាម ពណ៌ស្ករ បត់ឆ្វេង ស្រាប់តែមានម៉ូតូពីរគ្រឿងជិះតាមក្រោយក្នុងនោះម៉ូតូមួយគ្រឿងមិនចាំម៉ាកបានបើកកៀរម៉ូតូវ៉េវអាល់ហ្វា បណ្តាលឱ្យដួលបោកលើរថយន្តកាមរីឆ្លាមរយះកាង ហើយម៉ូតូបង្កនោះបើករត់គេចខ្លួនបាត់ស្រមោល កាលពីវេលាម៉ោង៨ព្រឹកថ្ងៃទី១៦ កក្កដា តាមមហាវិថីព្រះមុនីវង្ស ស្ថិតក្នុងសង្កាត់បឹងត្របែក ខណ្ឌចំការមន ។
ប្រភពព័ត៌មានបានឱ្យដឹងថា រថយន្តកាមរីឆ្លាម ពណ៌ស្ករ ជិះគ្នា២នាក់ ស្រីម្នាក់ ប្រុសម្នាក់ តាមបណ្តោយមហាវិថីព្រះមុនីវង្ស ពីជើងទៅត្បូងក្នុងទិសដៅស្របគ្នាជាមួយម៉ូតូពីរគ្រឿងបើកតាមក្រោយនោះដែរ។ ខណៈពេលរថយន្តជាន់ហ្វ្រាំងបត់ឆ្វេង ស្រាប់តែម៉ូតូពីរគ្រឿងនោះមួយគ្រឿងមិនចាំម៉ាកបានបើកកៀរម៉ូតូវ៉េវអាល់ហ្វា ពណ៌ខ្មៅ បើកបរដោយបុរសម្នាក់ បណ្តាលឱ្យម៉ូតូដួលបោកលើរថយន្តរយះកាងក្រោយខាងស្តាំ ។ ចំណែកអ្នកបើកបររងរបួសរលាត់ដៃជើងតិចតួច ។
ក្រោយពេលកើតហេតុប៉ូលិសជំនាញខណ្ឌចំការមន បានចុះទៅវាស់វែង និងជួយអន្តរាគមន៍ជិតពីរម៉ោង ទើបភាគីរថយន្តកាមរីឆ្លាមយល់ព្រមទទួលសំណង៨០ដុល្លារពីភាគីម៉ូតូវ៉េវ៕
ចែករំលែកព័តមាននេះ