ក្មេងប្រុសអាយុត្រឹម9ឆ្នាំក្លាយជាសេដ្ឋីដោយការលក់ផ្ទាំងគំនូរ
បញ្ចូលអត្ថបទ ៖ ស្រីណា កោះ
ថ្ងៃអាទិត្យ ទី១៥ ខែកក្កដា ឆ្នាំ២០១២ ម៉ោង ១៤:៣៨
គេហទំព័របរទេស
ក្មេងប្រុសអាយុ៩ឆ្នាំជាងគំនូរចំណាន
យោងតាមDAILY MAIL ថា ក្មេងប្រុស អង់គ្លេសម្នាក់អាយុ៩ឆ្នាំឈ្មោះ KIERON WILLIAMSON កំពុងតែឈានក្លាយទៅជាមហាសេដ្ឋីវ័យក្មេងបំផុតក្រោយពីការលក់ផ្ទាំងគំនូរ២៤ផ្ទាំងចុងក្រោយរបស់គេបានទឹកប្រាក់ជិត៣១.៧០០អឺរ៉ូមក ។
ផ្ទាំងគំនូចុងក្រោយទាំងនេះរបស់គេត្រូវលក់ដាច់អស់ត្រឹមរយៈពេល១៥នាទី ។ ក្មេងប្រុសនេះមានរហស្សនាមថា MINI MONET ព្រោះផ្ទាំងគំនូររបស់គេធ្វើឱ្យនឹកឃើញដល់ផ្ទាំងគំនូររបស់លោកMINI MONET ដែលស្លាប់បាត់ទៅហើយ ។
ផ្ទាំងគំនូររបស់ក្មេងប្រុសរូបនេះជាគំនូរទេសភាពត្រូវបានទិញតាមទូរស័ព្ទ និងតាមអុីនធើរណេត ដោយពួកអ្នកទិញលើពិភពលោកទាំងមូលដែលលក់ដាច់អស់រយៈពេលត្រឹម១៥នាទី ។ ក្មេងប្រុសដ៏មានទេពកោសល្យខាងគំនូររូបនេះទើបនឹងរៀនគូរពីឆ្នាំ២០០៨មក ។ គេចាប់ផ្តើមគូររូបភាពពេលគ្រួសារគេធ្វើដំណើរទៅកាន់ក្រុង DEVON និង CORNOUAI-LLES ដោយមុនពេលចាប់ផ្តើមគូរទេសភាពគេនិយមផាត់ពណ៌លើគំនូរសត្វដាយណូស័រដែលឪពុកម្តាយគេគូរឱ្យ ។
តាំងពីចាប់ផ្តើមគូរទេសភាពមកផ្ទាំងគំនូររបស់វាធ្វើឱ្យពិភពលោកមានការចាប់អារម្មណ៍ដោយផ្ទាំងគំនូរមួយចំនួនអាចលក់បានប្រាក់ដល់ទៅជាង១២.០០០អឺរ៉ូ ។ ផ្ទាំងគំនូរចុងក្រោយគូររូបទេសភាព២ផ្ទាំងក្នុងមួយផ្ទាំងលក់បានដល់៤៤.២៦០អឺរ៉ូ ។ ផ្ទាំងគំនូរតូចៗវាអាចគូរបានត្រឹមប៉ុន្មាននារីប៉ុណ្ណោះហើយអាចលក់បានមួយផ្ទាំង៧.៦០០អឺរ៉ូ ។ ផ្ទាំងគំនូររបស់KIERON មានលក់លើទីផ្សារលើកដំបូងកាលពីឆ្នាំ២០០៩ ពេលផ្ទាំងគំនូរ១៩ផ្ទាំងរបស់គេត្រូវបានដាក់លក់ដេញថ្លៃបានប្រាក់ប្រមាណជា១៨.០០០ អឺរ៉ូ ។ កាលពីខែកក្កដា ឆ្នាំ២០១០ គេបានគូរផ្ទាំងគំនូរពីប្រេងចំនួន៣៣ផ្ទាំង លក់ដាច់អស់ត្រឹមកន្លះម៉ោងបានប្រាក់១៩០.០០០អឺរ៉ូ ៕
