អុីរ៉ង់បាញ់មីស៊ីលនៅឈូងសមុទ្រពែរ្ស៍
បញ្ចូលអត្ថបទ ៖ ស្រីណា កោះ
ថ្ងៃព្រហស្បត្ត៏ ទី៥ ខែកក្កដា ឆ្នាំ២០១២ ម៉ោង ១៧:០៤
គេហទំព័របរទេស
បាញ់មីស៊ីលក្នុងឈូងសមុទ្រពែរ្ស៍
ក្នុងថ្ងៃទី៣និងជាថ្ងៃចុងក្រោយនៃសមយុទ្ធបាញ់មីស៊ីលគឺថ្ងៃទី៤កក្កដាកងកម្លាំងឆ្មាំ បដិវត្តន៍អុីរ៉ង់បានបាញ់មីស៊ីលនានានៅឈូងសមុទ្រពែរ្ស៍លើគោលដៅដែលសន្មត់ទុកទាំងឡាយ ។ទូរទស្សន៍អុីរ៉ង់ PRESS TVរាយការណ៍ថា កងទ័ពអាកាសរបស់កងឆ្មាំបដិវត្តន៍អុីរ៉ង់ នាថ្ងៃទី៤ កក្កដា នោះក៏បានបាញ់មីស៊ីលផងដែរលើបណ្តាគោលដៅកំណត់ដោយបណ្តាយន្តហោះប្រដេញនិងយន្តហោះគ្មានមនុស្សបើក ។
កាលពីថ្ងៃទី៣កក្កដា កងឆ្មាំបដិវត្តន៍បានបាញ់មីស៊ីលផ្សេងៗនិងសាកល្បងប្រើយន្តហោះគ្មានមនុស្សបើកទម្លាក់គ្រាប់បែកទាំងឡាយ ។ មុននេះមេបញ្ជាការមួយរូបរបស់កងកម្លាំងឆ្មាំបដិវត្តន៍អុីរ៉ង់ឧត្តមសេនីយ៍អាមៀរ អាលីហាជី ហ្សាដេហ៍ ថ្លែងទៅកាន់ក្រុមអ្នកកាសែតថា ក្នុង ពេលធ្វើសមយុទ្ធមានឈ្មោះថា GRAND PROPHETE-7 គោលដៅសន្មត់ជាង១០០ក្នុងវាលខ្សាច់ភាគកណ្តាលអុីរ៉ង់ត្រូវបាញ់សាកដោយមីស៊ីលជាច្រើនប្រភេទ ៕
