ប្រតិភូយោធាឡាវទៅធ្វើទស្សនកិច្ចនៅប្រាសាទព្រះវិហារ
បញ្ចូលអត្ថបទ ៖ បុប្ផា កោះ
ថ្ងៃពុធ ទី២៧ ខែមិថុនា ឆ្នាំ២០១២ ម៉ោង ១៦:៥៧
កោះសន្តិភាព
ទិដ្ឋភាពនៅក្នុងពិធីពិភាក្សាផ្លាស់ប្តូរយោបល់
Update Required
To play the media you will need to either update your browser to a recent version or update your
Flash plugin.
ខេត្តព្រះវិហារ ៖ គណៈប្រតិភូយោធាឡាវចំនួន៩នាក់ដឹកនាំដោយលោកវរសេនីយ៍ឯក ស៊ី ផាត់ភុតថាក់វង្ស ប្រធាននាយកដ្ឋានព្រំដែនឡាវកាលពីព្រឹកថ្ងៃទី២៧ មិថុនា បានទៅធ្វើទស្សនកិច្ចនៅប្រាសាទព្រះវិហារ និងពិភាក្សាប្តូរយោបល់គ្នាការងារព្រំដែនរវាងប្រទេសកម្ពុជា និងប្រទេសឡាវដើម្បីបង្កើនការទំនាក់ទំនងគ្នាឱ្យកាន់តែល្អថែមទៀត ។
ការមកធ្វើទស្សនកិច្ចប្រាសាទព្រះវិហាររបស់យោធាឡាវនាពេលនេះគឺផ្តោតទៅលើស្ថានការព្រំដែនរវាងកម្ពុជា-ថៃក្នុងតំបន់ប្រាសាទព្រះវិហារ និងពិនិត្យមើលផលប៉ះពាល់ដោយសារគ្រាប់ផ្លោងរបស់កងទ័ពថៃកាលពីឆ្នាំមុន ។ លោកវរសេនីយ៍ឯក ស៊ី ផាត់ភុតថាក់វង្ស បានកោតសរសើរដល់រាជរដ្ឋាភិបាលកម្ពុជាដែលបានខិតខំប្រឹងប្រែងក្នុងការទំនាក់ទំនងល្អរវាងប្រទេសជិតខាង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
