FIFA បើកវគ្គបំប៉នជំនាញបន្ថែមដល់មន្ត្រីសហព័ន្ធកីឡាបាល់ទាត់កម្ពុជា
បញ្ចូលអត្ថបទ ៖ ស្រីណា កោះ
ថ្ងៃពុធ ទី២៧ ខែមិថុនា ឆ្នាំ២០១២ ម៉ោង ១៦:៤០
Update Required
To play the media you will need to either update your browser to a recent version or update your
Flash plugin.
រាជធានីភ្នំពេញ ៖ មន្រ្តីអាជ្ញាកណ្ដាល ជំនួយការអាជ្ញាកណ្ដាល ទាំងអាជ្ញាកណ្ដាលកម្រិត FIFA និងមិនមែន FIFA មកពីសហព័ន្ធកីឡាបាល់ទាត់កម្ពុជាចំនួន៣៥នាក់ បានទទួលការបំប៉នបន្ថែមលើជំនាញរបស់ខ្លួនរយៈពេល៥ថ្ងៃ ចាប់ពីថ្ងៃទី២៦ ដល់ថ្ងៃទី៣០ មិថុនា ឆ្នាំ២០១២ ពីសំណាក់សហព័ន្ធកីឡាបាល់ទាត់អន្តរជាតិហៅកាត់ថា FIFA ។
មន្រ្តីសហព័ន្ឋកីឡាបាល់ទាត់កម្ពុជាបានចាត់ទុកថា វគ្គបណ្តុះបណ្តាលបន្ថែមនេះជាវគ្គដ៏សំខាន់មួយសម្រាប់បង្កើនសមត្ថភាពយល់ដឹងបន្ថែមទៀតដល់អាជ្ញាកណ្ដាលកម្ពុជា ។ វគ្គនេះបណ្ដុះបណ្ដាលដោយគ្រូជនជាតិម៉ាឡេស៊ីបម្រើការងារនៅការិយាល័យអភិវឌ្ឍន៍ របស់ FIFA ប្រចាំនៅក្នុងទីក្រុងកូឡាឡាំពួរ គឺលោក Mohamad Rodzali Yacob ។
សិក្ខាកាមដែលចូលរៀនក្នុងវគ្គនេះ មានចំនួន៣៥នាក់ ក្នុងនោះមាន២នាក់ជានារី ដែលមកពីរាជធានីភ្នំពេញ ខេត្តកណ្ដាល កំពង់ធំ តាកែវ បន្ទាយមានជ័យ ក្លឹបបាល់ទាត់ក្រសួងការពារជាតិ កងរាជអាវុធហត្ថលើផ្ទៃប្រទេស អង្គការកម្មវិធីSalt និងមកពីវិទ្យាស្ថានជាតិអប់រំកាយ និងកីឡា ។
