ទីភ្នាក់​ងារ​ព័ត៌​មាន​​ចិន​ស៊ីន​​ហួ ​រាយ​ការណ៍​​​កាលពី​​ថ្ងៃទី២១មិថុនាថា​ជន​ជាតិ​ទីបេ២នាក់​ ​ដែល​​ប៉ុនប៉ង​​​ដុត​ខ្លួន​​នៅ​ភាគ​​ពាយ័ព្យ​​​ចិន​​ម្នាក់​​​បាន​ស្លាប់​​ដោយ​សារ​​ការ​​រលាក​ធ្ងន់​​ធ្ងរ​ហើយម្នាក់​ទៀតរបួស​ធ្ងន់ ។​ ការដុត​ខ្លួន​របស់​​​ជន​ទីបេ​ទាំង២​នាក់​ ជាឥរិយា​បថ​ដោយ​​អស់​​សង្ឃឹម​​ក្នុង​​ការបះបោរ​ប្រឆាំង​ចិន​ដែល​​គ្រប់​គ្រង​លើ​​តំបន់​​ទីបេ ។

ជនជាតិ​ទីបេ​ទាំង២នាក់​​នោះ​​ដែល​មាន​អាយុ​ជាង២០ឆ្នាំ​ដូចគ្នា​បាន​ដុត​ខ្លួន​​នៅ​ខេត្តគិញហៃ ដោយ​ម្នាក់​​ស្លាប់​​​ហើយ​ម្នាក់​ទៀត​របួស​ធ្ងន់ ព្រោះ​ភ្លើង​​ឆេះ​​រលាក ។ អង្គការ​មួយមាន​ឈ្មោះ​ថា ទីបេ​​​សេរីប្រឆាំង​​ចិន​អះអាង​ថា អ្នក​ដុត​ខ្លួនជន​ជាតទីបេ​ទាំង២​នាក់​នោះ​ម្នាក់ឈ្មោះ​ NYAWANG NORPAL  អាយុ​២២ឆ្នាំ ហើយ​ម្នាក់​ទៀត​ឈ្មោះ​TENZIN KALDRUP  អាយុ​២៤ឆ្នាំ ។ អ្នក​​​ទទួល​ខុស​ត្រូវ​​​មូល​ដ្ឋាន​​​ម្នាក់​ដែល​​​AFPទាក់​​ទងសួរ​តាម​ទូរស័ព្ទ​​បាន​​បដិសេធមិនធ្វើ​​អត្ថាធិប្បាយ​លើ​រឿង​​នេះ​ដែល​កើត​មាន​​ក្នុង​ស្រុកCHENDUO ​។​

​ជនជាតិទីបេយ៉ាងតិច​៤០​នាក់​​ភាគ​ច្រើន​ជា​សង្ឃ​បាន​ដុត​ខ្លួន​ឬប៉ុន​​ប៉ងដុត​ខ្លួន​តាំង​ពីដើម​ខែ​​មីនា​ឆ្នាំ​២០១១​មក​ក្នុង​តំបន់​​​​ទាំងឡាយ​ដែល​មាន​​​ពួកទីបេ​​រស់​នៅ​ច្រើន​នៃប្រទេស​ចិន ៕​