រាជធានីភ្នំពេញ ៖ រថយន្តហាយប្រ៊ីតមួយគ្រឿងបន្ទាប់ពីបុករថយន្តឡិចស៊ីសនៅក្បែរផ្សារស៊ីឡឹបផ្លូវលេខ៦៣កាលពីវេលាម៉ោងជាង៩យប់ថ្ងៃទី២០ មិថុនារួចព្យាយាមបើកគេចដល់កែងផ្លូវលេខ១៣៦ និងផ្លូវលេខ១៣ស្ថិតក្នុងសង្កាត់ផ្សារកណ្តាល១ ខណ្ឌដូនពេញក៏បុកជាមួយរថយន្តស៊ីអ័រវី រ៉ឺម៉កកង់បី និងបុកមនុស្សភេទទីបីម្នាក់ដែលឈរលើចិញ្ចើមផ្លូវបណ្តាលឱ្យរបួសធ្ងន់ ។
មន្ត្រីសមត្ថកិច្ចនិយាយថា រថយន្តម៉ាកហាយប្រ៊ីតនោះបុកជាមួយរថយន្តឡិចស៊ីសRX៣០០តែមិនឈប់ដោះស្រាយបែរជាព្យាយាមបើកគេចខណៈពេលរថយន្តឡិចស៊ីសបើកដេញតាមពីក្រោយ ។ ពេលដល់កែងផ្លូវលេខ១៣៦ និងផ្លូវលេខ១៣ស្ថិតក្នុងសង្កាត់ផ្សារកណ្តាល១ ខណ្ឌដូនពេញ រថយន្តហាយប្រ៊ីតទំនងជាភ័យស្លន់ស្លោបានជ្រុលទៅបុករថយន្តម៉ាកស៊ីអ័រវី និងរ៉ឺម៉កកង់បីដែលចតស្ងៀម ព្រមទាំបុកមនុស្សភេទទី៣ម្នាក់បណ្តាលឱ្យរបួសធ្ងន់ទើបទៅមុខលែងរួច ។ អ្នករងរបួសត្រូវគេបញ្ជូនទៅមន្ទីរពេទ្យកាល់ម៉ែត ។
ចំណែករថយន្តស៊ីអ័រវីខូចខាតធ្ងន់ រថយន្តឡិចស៊ីសខូចកង់ខាងឆ្វេងផ្នែកខាងក្រោយ និងរថយន្តហាប្រ៊ីតខូចផ្នែកខាងមុខធ្ងន់។រថយន្តទាំងបីគ្រឿងត្រូវសមត្ថកិច្ចយកទៅរក្សាទុកនៅការិយាល័យនគរបាលចរាចរផ្លូវគោក ព្រមទាំងឃាត់ខ្លួនយុវជនបើករថយន្តហាយប្រ៊ីត៕
ចែករំលែកព័តមាននេះ