ប្រមុខក្រុមប្រឹក្សាយោធាអេហ្ស៊ីបរំលាយសភា
បញ្ចូលអត្ថបទ ៖ ស្រីណា កោះ
ថ្ងៃអាទិត្យ ទី១៧ ខែមិថុនា ឆ្នាំ២០១២ ម៉ោង ១៧:០១
គេហទំព័របរទេស
ប្រមុខក្រុមប្រឹក្សាយោធាជាន់ខ្ពស់អេហ្ស៊ីប
ក្រុមប្រឹក្សាយោធាជាន់ខ្ពស់ដែលកំពុងកាន់អំណាចនៅអេហ្ស៊ីបបានចេញបញ្ជាឱ្យរំលាយសភាដែលផ្តល់សុពលភាពដល់ការសម្រេចចិត្តរបស់តុលាការធម្មនុញ្ញដែលពួកអ៊ិស្លាមនិយមចាត់ទុកការសម្រេចនោះថាជារដ្ឋប្រហារមួយ ។
តុលាការធម្មនុញ្ញបានដកសុពលភាព១ភាគ៣និងកៅអី៤៩៨របស់សភាអេហ្ស៊ីបដែលក្រោមដណ្តប់ដោយពួកអ៊ិស្លាមនិយមដោយវាយតម្លៃថាក្បួនច្បាប់មួយចំនួនដែលអនុវត្តក្នុងឱកាសនៃការបោះឆ្នោតសភានេះកាលពីរដូវរងាកន្លងមកគឺផ្ទុយទៅនឹងរដ្ឋធម្មនុញ្ញ ។ ការសម្រេចចិត្តនេះញ៉ាំងឱ្យមានការរំលាយសភាជាន់ទាប ។
យោងតាមអ្នកទទួលខុសត្រូវម្នាក់របស់ការិយាល័យសភាថា ប្រមុខក្រុមប្រឹក្សាយោធាជាន់ខ្ពស់សេនាប្រមុខហ៊ូសេនតាន់តាហ្វីបានផ្ញើសារលិខិតមួួយច្បាប់ដែលក្នុងសារលិខិតនោះលោកបានបញ្ជាឱ្យរំលាយសភាហើយហាមឃាត់បណ្តាអតីតសមាជិកសភាមិនឱ្យចូលក្នុងអគារសភា ។
ពួកបងប្អូនអ៊ិស្លាមដែលព្រមានថា អេហ្ស៊ីប កំពុងដើរឆ្ពោះទៅរកបណ្តាថ្ងៃដែលលំបាកវាយតម្លៃថាសភាអាចរំលាយចោលបានតែតាមរយៈការបោះប្រជាមតិមួយប៉ុណ្ណោះ ។
គណបក្សសេរីភាពនិងយុត្តិធម៌PLJរបស់ក្រុមបងប្អូនអ៊ិស្លាមតាមទំព័រ FACEBOOK របស់គណបក្សនេះសរសេរថាបទបញ្ជារំលាយសភាតំណាងជាការធ្វើរដ្ឋប្រហារមួយប្រឆាំងនឹងដំណើរការប្រជាធិបតេយ្យ ។ ក្នុងសេចក្តីប្រកាសមួយទៀតគណបក្សនេះយល់ថាការរំលាយសភាបញ្ជាក់ពីឆន្ទៈរបស់ក្រុមប្រឹក្សាយោធាដណ្តើមរាល់អំណាចប្រឆាំងនឹងឆន្ទៈរបស់ប្រជាជន៕
