នាង Sheyla Hershey ជាតារាម៉ូដែលល្បីឈ្មោះរបស់ប្រទេសប្រេស៊ីល ដែលជាប់ចំណាត់ថ្នាក់ជាតារាម៉ូដែលមានដើមទ្រូងធំបំផុត នៅលើពិភពលោកត្រូវបានប្រភពព័ត៌មានមួយឱ្យដឹងថា ពេលនេះកំពុងតស៊ូដើម្បី រស់ពីគ្រោះថ្នាក់ដោយសារការវះកាត់កែសម្ពស្សដើមទ្រូងលើកចុងក្រោយរបស់នាង ។ តាមព័ត៌មានចេញផ្សាយដោយវ៉េបសាយមួយឱ្យដឹងថា នាង Sheyla Hershey ដែលបច្ចុប្បន្នរស់នៅក្នុងទីក្រុងហ៊ូស្ដុន រដ្ឋតិចសាស់ សហរដ្ឋអាមេរិកជួបគ្រោះថ្នាក់ធ្ងន់ធ្ងរ ដោយសាររបួសនៃការវះកាត់កែសម្ពស្សដើមទ្រូងដ៏ស្មុគស្មាញដោយសុដន់ទាំង២របស់នាងឆ្លងមេរោគ ។ ព័ត៌មានដដែលឱ្យដឹងទៀតថា នាង Sheyla Hershey ទទួលការវះកាត់កែ សម្ពស្សដើមទ្រូងជាង៣០ដង ហើយវេជ្ជបណ្ឌិតផ្នែកវះកាត់និយាយថា មេរោគដែលឆ្លងតាមមុខរបួសលើដើមទ្រូងរបស់នាងអាចចូលដេល់ចរន្ដឈាមក្នុងរាងកាយរបស់នាងហើយអាចគំរាមកំហែងដល់អាយុជីវិតរបស់នាង ៕
ចែករំលែកព័តមាននេះ