ខេត្តកំពង់ធំ ៖ អ្នកស្រុកដែលរស់នៅតាមបណ្តោយផ្លូវជាតិលេខ៦ ក្នុងភូមិសាស្ត្រស្រុកស្ទោង ចាប់ពីព្រំប្រទល់ស្រុកកំពង់ស្វាយ ទៅដល់ព្រំប្រទល់ខេត្តសៀមរាប កាលពីថ្ងៃទី១២ មិថុនា បានរៀបចំពិធីបន់ស្រន់ និងបណ្តេញខ្មោចព្រាយបិសាចទៅតាមអបិយជំនឿដែលជឿតៗគ្នាតាំងពីដូនតាមកថា មានខ្មោចព្រាយបិសាច និងខ្មោចតៃហោងនៅតាមដើមឈើ និងតាមដងផ្លូវដែលតែងតែយាយីអាយុជីវិតមនុស្សឱ្យមានគ្រោះថ្នាក់ផ្សេងៗ។
ពិធីនេះធ្វើឡើងបន្ទាប់ពីចំណុចនេះកើតមានគ្រោះថ្នាក់ចរាចរណ៍ញឹកញាប់បង្កឱ្យអ្នកធ្វើដំណើរឆ្លងកាត់ទទួលរងគ្រោះថ្នាក់ រហូតឈានដល់ការបាត់បង់ជីវិតម្តងហើយម្តងទៀត នៅកន្លែងដដែលនេះ។ ជាក់ស្តែងនៅរយៈពេលថ្មីៗកន្លងទៅនេះគ្រោះថ្នាក់ចរាចរណ៍បានកើតឡើងផ្ទួនៗគ្នា បណ្តាលឱ្យមនុស្សស្លាប់១៨នាក់ និងរងរបួសជាង៣០នាក់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ