ជនជាតិឡាវ៣នាក់ត្រូវចាប់ឃាត់ខ្លួន បន្ទាប់ពីចូលមករកកាប់ឈើ-ឫស្សីក្នុងខេត្តស្ទឹងត្រែង
បញ្ចូលអត្ថបទ ៖ បុប្ផា កោះ
ថ្ងៃអាទិត្យ ទី១០ ខែមិថុនា ឆ្នាំ២០១២ ម៉ោង ១៨:០០
កោះសន្តិភាព
ជនជាតិឡាវដែលត្រូវឃាត់ខ្លួន
ខេត្តស្ទឹងត្រែង ៖ ជនជាតិឡាវ៣នាក់ត្រូវបាននគរបាលវរការពារព្រំដែនលេខ៧០១ចាប់ឃាត់ខ្លួន ដោយសារចូលមកកាប់ឫស្សី និងកូនឈើក្នុងខេត្តស្ទឹងត្រែងគ្មានច្បាប់នៅចំណុចចម្ងាយពីទីបញ្ជាការវរការពារព្រំដែនលេខ៧០១ជាង១០០ម៉ែត្រ ស្ថិតក្នុងភូមិអន្លង់មរកត ឃុំអូរស្វាយ ស្រុកថាឡាបរិវ៉ាត់ កាលពីវេលាម៉ោង១១និង១៥នាទីព្រឹកថ្ងៃទី៩ មិថុនា ២០១២ ខណៈកំពុងធ្វើសកម្មភាពកាប់ឫស្សី និងកូនឈើ។
មន្ត្រីនគរបាលវរការពារព្រំដែនលេខ៧០១ ប្រាប់ឱ្យដឹងថា ជនជាតិឡាវទាំងបីនាក់បន្ទាប់ពីចាប់ឃាត់ខ្លួនពួកគេស្ទើរតែផ្ទុះកំហឹងតបតមកវិញ តែកម្លាំងនគរបាលទប់ទល់នឹងស្ថានការណ៍បាន។ ក្នុងការឃាត់ខ្លួននេះកម្លាំងនគរបាលរឹបអូសបានសម្ភាររួមមានគោយន្តកន្ត្រៃមួយគ្រឿង ឫស្សីកាប់ពន្លះមែករួច១៩ដើម កាំបិតពីដើម និងកូនឈើមួយចំនួនទៀត។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
