ប្រធានាធិបតីថ្មីបារាំងលោកហូឡង់មកកាន់អាហ្វហ្គានីស្ថាន
បញ្ចូលអត្ថបទ ៖ ស្រីណា កោះ
ថ្ងៃសុក្រ ទី២៥ ខែឧសភា ឆ្នាំ២០១២ ម៉ោង ១៥:៥៥
គេហទំព័របរទេស
លោកហូឡង់ថ្លែងទៅកាន់ទាហានបារាំងនៅអាហ្វហ្គានីស្ថាន
Update Required
To play the media you will need to either update your browser to a recent version or update your
Flash plugin.
ប្រធានាធិបតីថ្មីបារាំងលោកហ្វ្រង់ស្វ័រហូឡង់ បានមកដល់អាហ្វហ្គានីស្ថានគួរឱ្យភ្ញាក់ផ្អើលកាលពីថ្ងៃទី២៥ ឧសភាដោយលោកថ្លែងថា ការដកថយមុនកាលកំណត់របស់កងទ័ពបារាំងនឹងធ្វើដោយរៀបរយព្រមទាំងដោយសម្របសម្រួលគ្នាជាមួយពួកសម្ព័ន្ធមិត្តនៃក្រុមចម្រុះរបស់អូតង់នៅអាហ្វហ្គានីស្ថាន ។
នៅឯមូលដ្ឋាន NIJRAB ខេត្តកាពីសា ភាគ|សានក្រុងកាប៊ុលជាតំបន់ដែលកងទាហានបារាំងមានវត្តមានច្រើនលោកហូឡង់បន្តថា ការដកថយរបស់កងទាហានបារាំងគ្រោងធ្វើនាដំណាច់ឆ្នាំ២០១២នេះ ដែលការដកថយនោះនឹងធ្វើដោយរៀបរយជាមួយបណ្តាសម្ព័ន្ធមិត្តយើងពិសេសជាមួយប្រធានាបតីអាមេរិកលោកបារ៉ាក់ អូបាម៉ា ។
លោកប្រធានាធិបតីហូឡង់មកដល់ក្រុងកាប៊ុលនាព្រឹកថ្ងៃទី២៥ឧសភា ដើម្បីបំពេញទស្សនកិច្ចគួរឱ្យភ្ញាក់ផ្អើលមួយរយៈពេលប៉ុន្មានម៉ោងអមដំណើរជាពិសេសដោយលោក JEAN-YVES LE DRIAN រដ្ឋមន្ត្រីការពារប្រទេសនិងលោកឡូរ៉ង់ ហ្វាប៊ីអ៊ូស រដ្ឋមន្ត្រីការបរទេស ។
យោងតាមមនុស្សជំនិតរបស់ប្រធានាធិបតីបារាំងថា ប្រធានាធិបតីដែលក៏ជាប្រមុខកងទ័ពផងដែរចង់ពន្យល់ប្រាប់ដោយខ្លួនលោកផ្ទាល់ដល់ទាហានបារាំងថាហេតុអីបានជាលោកសម្រេចឱ្យមានការដកថយរបស់ពួកគេមុនកាលកំណត់នាដំណាច់ឆ្នាំ២០១២នេះគឺមួយឆ្នាំមុនកាលបរិច្ចេទដែលគ្រោងទុកដោយអតីតប្រធានាធិបតីលោកនីកូឡាស់សាកូហ្ស៊ី និង២ឆ្នាំមុនការដកថយរបស់កងកម្លាំងអូតង់ដទៃៗ ទៀត។
លោកហូឡង់ គូសបញ្ជាក់ទៀតថា បារាំងថែរក្សាទំានាក់ទំនងជាមួយអាហ្វហ្គានីស្ថាន ។ យើងនឹងបន្តគម្រោងអភិវឌ្ឍន៍ទាំងឡាយរបស់យើង នៅកាពីសា និងនៅស៊ូរ៉ូប៊ី ជាតំបន់២ដែលសន្តិសុខចាប់តាំងពីយូរមកហើយ ស្ថិតក្រោមការត្រួតត្រារបស់កងទ័ពបារាំងក្នុងផ្ទៃកងកម្លាំងអូតង់ ។ ពុំមែនពួកសម្ព័ន្ធមិត្តទេ ដែលកំណត់អនាគតរបស់អាហ្វហ្គានីស្ថានក៏ប៉ុន្តែគឺប្រជាជនអាហ្វហ្គានីស្ថានខ្លួនឯងដែលត្រូវជ្រើសរើសផ្លូវដើរដោយសេរី ៕
