ខេត្តក្រចេះ ៖ ប្រជាពលរដ្ឋដែលតាំងលំនៅអចិន្ត្រៃយ៍នៅក្នុងភូមិប្រម៉ា ឃុំកំពង់ដំរី ស្រុកឆ្លូង រាប់រយនាក់ សុទ្ធតែធ្លាប់ទទួលការគំរាមកំហែងយ៉ាងធ្ងន់ៗពីក្រុមបក្សពួករបស់ប៊ុន រដ្ឋា ហើយពេលនេះកំពុងព្រួយបារម្ភអំពីសន្តិសុខសុវត្ថិភាពរបស់ខ្លួនជាខ្លាំង ខណៈដែលរដ្ឋអំណាចបានដកកម្លាំងប្រដាប់អាវុធចេញជាបណ្តើរៗ ហើយសមត្ថកិច្ចនៅពុំទាន់ចាប់មេខ្លោងឈ្មោះប៊ុន រដ្ឋា និងបក្សពួកបាននៅឡើយ។
ទោះបីជាអាជ្ញាធរកងកម្លាំងប្រដាប់អាវុធរបស់រាជរដ្ឋាភិបាលបានប្រើប្រាស់កម្លាំងជាលក្ខណៈទ្រង់ទ្រាយធំកាលពីថ្ងៃទី១៦ ឧសភា ក្នុងសកម្មភាពចុះបង្ក្រាប និងទប់ស្កាត់ក្រុមជ្រុលនិយមដែលបានបង្កើតជាចលនាទាមទារដីធ្លីបែបអនាធិបតេយ្យ និងស្ទើរតែកែប្រែតំបន់នោះ ទៅជាតំបន់អបគមន៍រដ្ឋក្នុងរដ្ឋ គឺដឹកនាំដោយឈ្មោះប៊ុន រដ្ឋា យ៉ាងណាក៏ដោយ ក៏ប្រជាពលរដ្ឋរាប់រយនាក់បានសម្តែងនូវការព្រួយបារម្ភពីសុវត្ថិភាពរស់នៅរបស់ពួកគាត់ជារៀងរាល់យប់ថ្ងៃនៅពេលដែលបក្សពួក និងមេខ្លោងរបស់ក្រុមនេះនៅមិនទាន់ចាប់បាន ហើយកងកម្លាំងប្រដាប់អាវុធបានដកចេញពីតំបន់ទាំងនោះជាបណ្តើរៗទៅហើយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ