ADផ្ទាំងផ្សព្វផ្សាយពាណិជ្ជកម្ម

ប្លន់បានម៉ូតូញឹកញាប់ពីកន្លែងមួយយកទៅលាក់ទុកនៅកន្លែងមួយត្រូវសមត្ថកិច្ចខណ្ឌសែនសុខ ឃាត់ខ្លួន

14 ឆ្នាំ មុន

២១ ខែ ឧសភា ឆ្នាំ ២០១២ ម៉ោង ០២:៥៥

រាជធានីភ្នំពេញ ៖ សមត្ថកិច្ចខណ្ឌសែនសុខចាប់ឃាត់ខ្លួនជនសង្ស័យម្នាក់ពាក់ព័ន្ធករណីប្លន់ម៉ូតូប្រដាប់អាវុធយ៉ាងសកម្មនៅក្នុងខណ្ឌចំការមន ហើយរត់គេចខ្លួនបន្ទាប់ពីប៉ូលិសតាមប្រមាញ់អស់ជាច្រើនខែ ដោយសាលាដំបូងរាជធានីភ្នំពេញ បានចេញដីកាឃាត់ខ្លួនចំនួន៣ករណីមកហើយ។ ហេតុការណ៍នេះបានកើតឡើងកាលពីថ្ងៃទី២០ ឧសភា ២០១២ វេលាម៉ោង៦និង៣០នាទីព្រឹកនៅតាមផ្លូវលំ ស្ថិតក្នុងភូមិសែនសុខទី២ សង្កាត់ឃ្មួញ ខណ្ឌសែនសុខ ។

ជនសង្ស័យដែលប៉ូលិសឃាត់ខ្លួនឈ្មោះស្រី សំវុទ្ធថា ហៅតូ បានមកសម្ងំលាក់ខ្លួននៅក្នុងភូមិខាងលើ ក្រោយពីជននេះធ្វើសកម្មភាពប្លន់ប្រដាប់អាវុធយកម៉ូតូជាច្រើនគ្រឿងរបស់ជនរងគ្រោះនៅពេលយប់ក្នុងទឹកដីខណ្ឌចំការមនដ៏សកម្ម ។