រាជធានីភ្នំពេញ ៖ កន្លងមកធ្លាប់កើតមានអំពើលួចអាគុយក្នុងរថយន្តញឹកញាប់ណាស់នៅក្នុងរាជធានីភ្នំពេញ ប៉ុន្តែចោរមិនដែលចាប់បានទេ ទើបនៅវេលាម៉ោង២និង១៥នាទីយប់រំលងអធ្រាត្រឈានចូលថ្ងៃទី២០ ឧសភា ២០១២ សមត្ថកិច្ចនគរបាលប៉ុស្តិ៍បឹងព្រលឹត ខណ្ឌ៧មករា ដាក់កម្លាំងចាប់បាន២នាក់ សុទ្ធតែចោរដាច់បាយ ។
យុវជនដែលនគរបាលចាប់ខ្លួនពីបទលួចដោះអាគុយរថយន្តម្នាក់ឈ្មោះស៊ុន វុទ្ធី អាយុ១៩ឆ្នាំ រស់នៅភូមិផ្សារតូច សង្កាត់ទួលសង្កែ ខណ្ឌឫស្សីកែវ ជាអ្នកដើររើសអេតចាយ និងម្នាក់ទៀតឈ្មោះខឿន វាសនា អាយុ១៨ឆ្នាំ ស្នាក់នៅជាមួយគ្នា និងមានមុខរបរដូចគ្នា ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ