ធ្វើតំណាងរាស្ដ្រមួយកំណាត់ម្នាក់ ចំលែកនិងផ្ទុយពីរដ្ឋធម្មនុញ្ញ ជាការសំរេចរបស់បក្សសម រង្ស៊ី
ដោយ ៖ អប្សរា
ថ្ងៃព្រហស្បត្ត៏ ទី២២ ខែកក្កដា ឆ្នាំ២០១០ ម៉ោង ០៩:៣៩
រាជធានីភ្នំពេញ ៖ ក្រុមអ្នកវិភាគមានការចំលែកចិត្ដកាលបើដឹងថា នឹងមានការប្រកាសលាលែងពីតំណែងអ្នកតំណាងរាស្ដ្រ តាមខេត្ដនិងក្រុងមួយចំនួនបានទទួល តំណែងជាអ្នកតំណាងរាស្ដ្របាន១,២នៃអាណត្ដិទី៤នេះដើម្បីបើកផ្លូវឱ្យមន្ដ្រីគណបក្សនេះបានចូលជំនួសតាមលេខរៀងឈរឈ្មោះបោះឆ្នោតឆ្នាំ២០០៨ ។ នេះគឺជាសេចក្ដីសំរេចផ្ទៃក្នុងមួយរបស់គណបក្សសម រង្ស៊ី កាលពីឆ្នាំ២០០៨ មុនការបោះឆ្នោតនា ខែកក្កដា។ អ្នកវិភាគនានាបានហៅការសំរេច ផ្ទៃក្នុងនៃគណបក្សនេះថា គួរឱ្យចំលែក ព្រោះអាណត្ដិអ្នកតំណាងរាស្ដ្រដែលបានឈរឈ្មោះមានរយៈពេល៥ឆ្នាំ តែបែរជាសំរេចចែក គ្នាធ្វើតំណាងរាស្ដ្រពាក់កណ្ដាលម្នាក់ ។
ទោះបីជាបែបណាក្ដីយោងតាមប្រភពព័ត៌មាននេះ សម្ដេចតេជោ ហ៊ុន សែន ក៏ធ្លាប់ព្រលយឱ្យដឹងរួចទៅហើយថា ជំហរលើគណបក្សប្រជាជនដែលមានសំលេងលើសលប់ក្នុង សភា៩០អាសនៈនោះនឹងមិនឱ្យគណបក្ស សម រង្ស៊ី ហែកអាសនៈចែកគ្នាអង្គុយពាក់កណ្ដាលម្នាក់បែបនេះបានទេ និងជាប្រការអាក្រក់មើលខ្លាំងណាស់ ។ កាលពីថ្ងៃទី១៩ កក្កដា កន្លងទៅនេះ ក្នុងឱកាសអញ្ជើញជាអធិបតីក្នុងពិធីប្រគល់សញាបត្រដល់និស្សិត នៅសាកលវិទ្យាល័យស្វាយរៀងសម្ដេចបានមានប្រសាសន៍ទាក់ទិននឹងបញ្ហាខាងលើថា អង្គការក្រៅរដ្ឋាភិបាលបរទេសមួយនោះ សូមប្រយ័ត្នប្រយែងផង ខ្ញុំដឹងអស់លោកក៏ចេញសំបុត្រយន្ដហោះឱ្យអ្នកទាំងនោះជិះ ទៅម៉ានីលដែរ ។
នៅក្នុងប្រទេសកម្ពុជា ច្បាប់បោះឆ្នោតចែងថា ហាមឃាត់ទទួល ជំនួយពីបរទេស ។ សូមប្រយ័ត្នណាអង្គការ ក្រៅរដ្ឋាភិបាលបរទេស ជួយថវិកាសំរាប់ ការធ្វើដំណើររបស់តំណាងរាស្ដ្រទៅជួបមេ បក្សនៅឯម៉ានីល ហើយចេញសេចក្ដីសំរេច ចិត្ដម៉ានីលអំពីអាណត្ដិតំណាងរាស្ដ្រពាក់ កណ្ដាលអាណត្ដិ ។ យោងតាមប្រសាសន៍នេះបានបង្ហាញច្បាស់ថា ការចែកគ្នាហែកអាសនៈតំណាង រាស្ដ្រអង្គុយពាក់កណ្ដាលអាណត្ដិម្នាក់មិន អាចទៅរួចនោះទេ ។
លោកយឹម សុវណ្ណ អ្នកនាំពាក្យគណបក្ស សម រង្ស៊ី បានបំភ្លឺដោយខ្លីនាវេលាល្ងាចថ្ងៃទី ២១ កក្កដា ថា អ្វីដែលមិនចេញពីគណបក្ស និងមិនបានអះអាងពីអ្នកនាំពាក្យមិនមែនជា ការពិតទេ ។
លោកបានបន្ថែមថា ការអះ អាងដទៃក៏មិនមែនជាផ្លូវការដែរ ។ ទាក់ទិន នឹងអ្នកតំណាងរាស្ដ្រធ្វើការ២ឆ្នាំកន្លះ ហើយ ដូរគ្នានោះមិនមានទេ ដោយលោកបាន ច្រានចោលព័ត៌មាននេះ ។ គេមិនអាចយកការបំភ្លឺណាមួយផ្សេង ជុំវិញសេចក្ដីសំរេច កាលពីខែឧសភា ឆ្នាំ ២០០៨ ដែលមានចុះហត្ថលេខាដោយលោក ហោ ចន្ដ្រាវុឌ្ឍ ជាលេខាអង្គប្រជុំចុះថ្ងៃទី១១ ឧសភា ២០០៨ និងប្រធានអង្គប្រជុំ គឺលោក សម រង្ស៊ី នោះឡើយ ៕
