ទីភ្នាក់ងារព័ត៌មាន AFP បានផ្សាយពីហេតុការណ៍គួរឱ្យរន្ធត់មួយ គឺនាងអា ណាឡេស ហ្គាន័រ ជនជាតិអាមេរិក អាយុ១៩ឆ្នាំ នៅទីក្រុងឡេក អ៊ីន ដឺហ៊ីល រដ្ឋអ៊ីល្លីណយ សហរដ្ឋអាមេរិក ត្រូវបានប៉ូលិសចោទប្រកាន់ពីបទធ្វើទារុណកម្មលើសត្វ និងប្រើកម្លាំង ក្រោយពីមានអាការៈស្រវឹងហើយទៅវាយម្តាយ រួមទាំងងាកទៅខាំឆ្កែរបស់ខ្លួនដល់ទៅ៣លើក ប៉ុន្តែចុងក្រោយត្រូវឆ្កែខាំវិញ បណ្តាលឱ្យរងរបួស ។
លោក ម៉ៃ ស្មីត ដែលជាមន្ត្រីប៉ូលិសបានឱ្យដឹងថា នាងហ្គាន័រ ក្រៅពីទទួលរងការចោទប្រកាន់ពីបទធ្វើទារុណកម្មសត្វ ថែមទាំងទទួលការចោទប្រកាន់ពីការហូបស្រា នៅមុនពេលគ្រប់អាយុផងដែរ ។ បច្ចុប្បន្ន ក្រុមគ្រួសារបានធានាឱ្យនាងនៅក្រៅឃុំ ក្នុងរង្វង់ទឹកប្រាក់៣.០០០ដុល្លារ ចំណែកសត្វឆ្កែមិនត្រូវបានទទួលការចោទប្រកាន់ព្រោះជាការតបតដើម្បីការពារខ្លួន ៕
ចែករំលែកព័តមាននេះ