យោងតាមស្ថិតិចេញផ្សាយកាលពីថ្ងៃទី១៦ ឧសភា ដោយរដ្ឋបាលជាតិទេសចរណ៍ចិនថា ការវិនិយោគក្នុងឧស្សាហកម្មទេសចរណ៍ចិនមានដល់២០៦,៤ពាន់លានយន់ (៣២,៨ពាន់លានដុល្លារ) កាលពីឆ្នាំទៅមិញ ។
លោកWU WENXUE អ្នកទទួលខុសត្រូវជាន់ខ្ពស់ម្នាក់របស់រដ្ឋបាលជាតិនៃទេសចរណ៍ចិនគូសបញ្ជាក់ថា ការវិនិយោគរបស់ឯកជន តំណាងឱ្យ៣៩%នៃទឹកប្រាក់នេះ ។ ចំណែកការវិនិយោគរបស់រដ្ឋាភិបាលតំណាងឱ្យ២៥% និងរបស់បណ្តាសហគ្រាសរដ្ឋតំណាងឱ្យ១៣% ចំណែកទឹកប្រាក់២៣%ទៀត មកពីប្រាក់កម្ចី ធនាគារ ។
សរុប៦៦% នៃទឹកប្រាក់ទាំងនេះ វិនិយោគក្នុងតំបន់ទេសចរណ៍ដែលមានទេសភាពត្រកាល កន្លែងសម្រាកលំហែកាយពេលវិស្សមកាល និងការកែលម្អបណ្តាទីក្រុងទេសចរណ៍ រួច១៨% នៃទឹកប្រាក់នោះ ប្រើប្រាស់ក្នុងការស្តារជួសជុលកែលម្អឡើងវិញ និងក្នុងផ្នែកសណ្ឋាគារ ។ បណ្តាតំបន់អភិវឌ្ឍន៍ភាគខាងកើតប្រទេសទាក់ទាញមួយចំណែកយ៉ាងធំ នៃទឹកប្រាក់នោះគឺដល់ទៅជាងពាក់កណ្តាល ៕
ចែករំលែកព័តមាននេះ