រាជធានីភ្នំពេញ ៖ អាជ្ញាធរ និងសមត្ថកិច្ចប៉ូលិសខណ្ឌពោធិ៍សែនជ័យ បានធ្វើសន្និសីទកាសែតបង្ហាញមុខក្រុមចោរប្លន់ប្រដាប់ដោយអាវុធ AK ដែលបង្ក្រាបបានក្រោយពេលពួកចោរទាំងនេះធ្វើសកម្មភាពប្លន់ផ្ទះមន្ត្រីកសិកម្មខេត្តកណ្តាល រួចហើយព្យាយាមរត់គេចតែសំណាងអាក្រក់ជួបឧប្បត្តិហេតុគ្រោះថ្នាក់ចរាចរណ៍ក៏ត្រូវបូលិសឃាត់ខ្លួនសួរនាំ ទើបធ្លាយរឿងប្លន់ ។
សន្និសីទកាសែតបានធ្វើឡើងកាលពីព្រឹកថ្ងៃទី១៧ ឧសភា ២០១២ នៅអធិការដ្ឋាននគរបាលខណ្ឌពោធិ៍សែនជ័យ ដោយលោកវរសេនីយ៍ទោ ប៊ន សំអាត អធិការនគរបាលខណ្ឌជាអ្នកដឹកនាំសន្និសីទកាសែតនោះ ។ មន្ត្រីប៉ូលិសមួយរូបបាននិយាយថា នេះគឺជាការបំបែកសំបុកក្រុមចោរប្លន់ទ្រង់ទ្រាយធំមួយដែលធ្វើសកម្មភាពប្រើប្រាស់សុទ្ធតែកាំភ្លើង AK និងជាក្រុមចោរប្លន់ឆ្លងខេត្តទៀតផង ហើយកន្លងមកកម្លាំងប៉ូលិសខណ្ឌពោធិ៍សែនជ័យ ដែលពីមុននៅជាខណ្ឌដង្កោនៅឡើយ បង្ក្រាបបាន៣ករណីធំៗរួចមកហើយ មិនតែប៉ុណ្ណោះក៏ធ្លាប់បំបែកសំបុកគ្រឿងញៀនធំៗជាបន្តបន្ទាប់ទៀតផង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ