ខេត្តកណ្តាល ៖ ស្ត្រីម្នាក់ជាប់សង្ស័យពីបទលួចកាត់ខ្សែ.កមាសពីកុមារីអាយុ២ឆ្នាំ ខណៈម្តាយពចូលក្នុងផ្សារព្រែកតាឃ្លោក ក្នុងភូមិថ្កុល ឃុំត្រើយស្លា ស្រុកស្អាង ដើម្បីរកទិញទំនិញកាលពីវេលាម៉ោង៧និង១០នាទីព្រឹកថ្ងៃទី១៧ ឧសភា ២០១២ ។ ស្ត្រីសង្ស័យត្រូវបាននគរបាលប៉ុស្តិ៍ត្រើយស្លាធ្វើការចាប់ខ្លួនភ្លាមៗនាំយកទៅសាកសួរ ដើម្បីកសាងសំណុំរឿងចាត់ការតាមនីតិវិធី។
លោកឃុន ណារិទ្ធ នាយប៉ុស្តិ៍ត្រើយស្លា បានប្រាប់ឱ្យដឹងថា ស្ត្រីជាប់សង្ស័យដែលត្រូវបានចាប់ខ្លួនឈ្មោះសាយ គឹមយី អាយុ៤៥ឆ្នាំ ស្នាក់នៅផ្ទះជួលសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ មុខរបរមិនពិតប្រាកដ ។ ចំណែកស្ត្រីរងគ្រោះជាម្តាយកុមារីអាយុ២ឆ្នាំឈ្មោះម៉េង អ៊ីម អាយុ៤៣ឆ្នាំ មានទីលំនៅភូមិថ្កុល ឃុំត្រើយស្លា ស្រុកស្អាង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ