រាជធានីភ្នំពេញ ៖ បន្ទាប់ពីមានភ្លៀងខ្យល់បង្កការដួលរលំបាក់ដើមឈើរយៈពេលប៉ុន្មានថ្ងៃកន្លងមកនេះ សាលារាជធានីភ្នំពេញ បានបើកយុទ្ធនាការកាប់លះមែកឈើតាមដងផ្លូវនានាទូទាំងរាជធានីភ្នំពេញ នៅព្រឹកថ្ងៃទី១៧ ឧសភា នេះ ដើម្បីការពារការដួលរលំបាក់ពេលមានភ្លៀង និងខ្យល់ និងដើម្បីលំអរសោភ័ណភាពរាជធានីភ្នំពេញផងដែរ ។ ការងារកាប់លះមែកឈើនេះអនុវត្តដោយអង្គភាពសួនច្បារ និងរុក្ខជាតិនៃមន្ទីរសាធារណការ និងដឹកជញ្ជូនរាជធានីភ្នំពេញ ក្រោមការណែនាំពីលោកកែប ជុតិមា អភិបាលរាជធានីភ្នំពេញ ។
មានសំណួរជាច្រើនបានលើកឡើងថា អាជ្ញាធររាជធានីភ្នំពេញ តែងតែហាមម្ចាស់ផ្ទះដែលមានដើមឈើធំៗដុះនៅមុខផ្ទះមិនឱ្យកាត់ ឬកាប់រំលំឡើយ ដោយអះអាងថា ជាដើមឈើរបស់រដ្ឋ ឬសម្បត្តិសាធារណៈដូច្នេះអាជ្ញាធរជាអ្នកគ្រប់គ្រង ហើយប្រជាពលរដ្ឋម្ចាស់ផ្ទះដែលមានដើមឈើដាំ ឬដុះនៅពីមុខផ្ទះគ្មានសិទ្ធិកាត់ ឬកាប់រំលំទេ បើហ៊ានប៉ះពាល់នឹងត្រូវសងថ្លៃខូចខាតទៅរដ្ឋ ។ ប៉ុន្តែនៅពេលដើមឈើបាក់រលំសង្កត់រថយន្តម៉ូតូ និងមនុស្ស បណ្តាលឱ្យខូចខាត និងស្លាប់ តើអាជ្ញាធរសងជីវិត និងទ្រព្យសម្បត្តិដល់ពលរដ្ឋវិញដែរទេ?
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ