សារព័ត៌មានបរទេសផ្សាយឱ្យដឹងថា គ្រាប់ពេជ្ររបស់អតីតព្រះរាជិនីនៃប្រទេសបារាំងដេញថ្លៃបានក្នុងតម្លៃខ្ពស់ប្រហែល១០លានដុល្លារ នៅក្នុងការដេញថ្លៃដែលរៀបចំឡើងដោយ«សូតប៊ី» នៅទីក្រុងហ្សឺណែវ ។ពេជ្រ«បូ សង់ស៊ី» (Beau Sancy) មានទំហំ៣៥ការាត់ ជាពេជ្រសម្អាងរបស់អតីតព្រះរាជិនីម៉ារី ដឺមេឌីស៊ី នៃព្រះរាជវង្សហង់រីទី៤ ដោយទ្រង់បានសោយទិវង្គត កាលពីឆ្នាំ១៦១០ ។
គ្រឿងពេជ្រដ៏មានតម្លៃនេះ មានអ្នកដាក់សំណើដេញថ្លៃចំនួន៥នាក់ ពីអាមេរិកខាងជើង អឺរ៉ុប និងអាស៊ី ប៉ុន្តែជាចុងក្រោយត្រូវមហាសេដ្ឋីអាមេរិកម្នាក់ដេញថ្លៃបានក្នុងតម្លៃខ្ពស់១០លានដុល្លារ ឬខ្ពស់ជាងការរំពឹងទុកដល់ទៅ២ដង ។
ប្រវត្តិរបស់ពេជ្រដ៏សំខាន់នេះ គឺនៅឆ្នាំ១៦០៤ ព្រះរាជវង្សហង់រីទី៤ នៃប្រទេសបារាំងទិញសម្រាប់ព្រះរាជទានដល់ព្រះរាជិនីម៉ារី ដឺមេឌីស៊ី ដើម្បីប្រើប្រាស់ជាគ្រឿងពេជ្រក្នុងថ្ងៃដែលព្រះនាងក្លាយជាព្រះរាជិនី ៕
ចែករំលែកព័តមាននេះ