ខេត្តកំពង់ស្ពឺ ៖ បុរសម្នាក់ទើបនឹងរៀបការបានជាង១០ថ្ងៃជិះម៉ូតូដឹកម្តាយទៅសាលាឃុំរួចត្រឡប់មកយកប្រពន្ធត្រូវរថយន្តដឹកប្រេងបុកបាក់ថ្គាម និងបែកក្បាលរងរបួសធ្ងន់ ហើយត្រូវក្រុមគ្រួសារបញ្ជូនទៅសង្គ្រោះនៅមន្ទីរពេទ្យព្រះកុសុមៈ តែរបួសធ្ងន់ធ្ងរពេកបានស្លាប់នៅមន្ទីរពេទ្យ ។
គ្រោះថ្នាក់ចរាចរណ៍នេះកើតឡើងកាលពីវេលាម៉ោង៧និង៣០នាទីព្រឹកថ្ងៃទី១៧ ឧសភា នៅតាមបណ្តោយផ្លូវជាតិលេខ៤ ខាងលិចសាលាឃុំមហាសាំង ស្រុកភ្នំស្រួច ។ ជនរងគ្រោះមានឈ្មោះចេង រ៉ម ភេទប្រុស អាយុ២៨ឆ្នាំ មានទីលំនៅភូមិក្រាំងតាមិញ ឃុំមហាសាំង ស្រុកភ្នំស្រួច ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ