ខេត្តកំពង់ស្ពឺ ៖ កម្មករ កម្មការិនីរាប់ពាន់នាក់នៃរោងចក្រផលិតស្បែកជើងជេណឺរេសិន អីុនធើរណេស្សូណល បាននាំគ្នាមិនចូលធ្វើការ ទាមទារឱ្យខាងក្រុមហ៊ុនដោះស្រាយនូវលក្ខខណ្ឌមួយចំនួនរបស់ថ្នាក់ដឹកនាំសហជីពខ្មែរ សមាជិកសមាជិកាកម្មករ កម្មការិនីនៃ ក្រុមហ៊ុនទាំងអស់១៨ចំណុច ដោយឈរកកកុញត្រៀបត្រានៅខាងមុខរោងចក្រកាលពីព្រឹកថ្ងៃទី១៧ ឧសភា ២០១២ ស្ថិតនៅចំណុចឃុំត្រពាំងគង ស្រុកសំរោងទង ខេត្តកំពង់ស្ពឺ ។
កម្មករឈ្មោះធី រ៉ាត់ ភេទប្រុស អាយុជាង២០ឆ្នាំ ធ្វើការងារផ្នែកខាងដុំដង្កាប់ស្បែកជើងនិយាយឱ្យដឹងនៅកន្លែងបាតុកម្មនោះថា រូបគេទើបតែចូលបម្រើការងារនៅរោងចក្របានប្រហែល៤ទៅ៥ខែប៉ុណ្ណោះ ហើយប្រាក់ខែ១ខែទាំងថែមម៉ោងបានប្រហែល១០០ដុល្លារប៉ុណ្ណោះ ហើយពេលនេះគឺទាមទារសូមឱ្យខាងក្រុមហ៊ុនគោរពលក្ខខណ្ឌការងារ សិទ្ធិកម្មករ និងច្បាប់ការងារ ។
កម្មការិនីម្នាក់ដេលកំពុងអង្គុយក្នុងរថយន្តចំណោមកម្មករជាច្រើននាក់បានឱ្យដឹងថា រាល់ថ្ងៃពួកគេធ្វើការងារបន្ថែមម៉ោងរហូត គឺពេលព្រឹកចូលនៅម៉ោង៧ ចេញនៅម៉ោង១២ថ្ងៃត្រង់ ចូលរសៀលម៉ោង១ចេញនៅម៉ោង៧យប់រហូត ហើយបែរជាថ្ងៃសម្រាកអាទិត្យ បុណ្យជាតិ…ខាងក្រុមហ៊ុនមិនអនុញ្ញាតឱ្យសម្រាកទៅវិញ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ