ក្រុងប៉ោយប៉ែត ៖ គណបក្សមួយ គឺគណបក្សនរោត្តម រណប្ញទ្ធិ ដែលមានសមាជិកមួយក្រុមដឹកសម្ភារប៉ាយគណបក្ស ប្រុងលើកលើចំណុចរង្វង់មូលច្រកទ្វារអន្តរជាតិប៉ោយប៉ែត ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ត្រូវបានកម្លាំងប៉ូលិសក្រុង ធ្វើការហាមឃាត់កាលពីវេលាម៉ោង៨ និង៤០នាទីព្រឹកថ្ងៃទី១៧ ឧសភា ២០១២ ។
ការចុះហាមឃាត់មិនឱ្យលើកប៉ាយគណបក្សលើចំណុចរង្វង់មូលនេះ គេឃើញមេដឹកនាំគណបក្សប្រចាំសង្កាត់ប៉ោយប៉ែតមួយរូបរបស់គណបក្សនរោត្តម រណប្ញទ្ធិគឺលោកសុខ សុវណ្ណ បានអះអាងថា ខ្លួនមានច្បាប់ត្រឹមត្រូវ ដោយបានស្នើសុំទៅស្នាក់ការប៉ូលិសអន្តោប្រវេសន៍ប្រចាំច្រកទ្វារ និងសង្កាត់រួចហើយទើបហ៊ានមកលើកប៉ាយ ។ ប៉ុន្តែទោះជាយ៉ាងណា ប៉ូលិសមូលដ្ឋានអះអាងមិនត្រឹមត្រូវច្បាប់ទេ បើធ្វើតាមផ្លូវសាធារណៈគឺអាច ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ