រាជធានីភ្នំពេញ ៖ ចោរប្លន់ប្រដាប់ដោយអាវុធ AK មួយក្រុមបានចូលទៅធ្វើសកម្មភាពប្លន់ក្រុមគ្រួសារអនុប្រធានការិយាល័យកសិកម្មនៃមន្ទីរកសិកម្មខេត្តកណ្តាលម្នាក់យកទ្រព្យសម្បត្តិ និងចាប់ម្ចាស់ផ្ទះ៦នាក់ ចង និងវាយ ព្រមទាំងគំរាមបាញ់សម្លាប់ និងធ្វើទារុណកម្ម បណ្តាលឱ្យរងរបួសធ្ងន់ពីរនាក់។ បន្ទាប់ពីប្លន់បានសម្រេចពួកចោរនោះបានជិះម៉ូតូគេចខ្លួន ។ ប៉ុន្តែសំណាងអាក្រក់ពេលជិះទៅដល់មុខព្រលានយន្តហោះក៏ជួបឧប្បត្តិហេតុគ្រោះថ្នាក់ចរាចរណ៍ក៏ត្រូវប៉ូលិសប៉ុស្តិ៍កាកាប សហការជាមួយប៉ូលិសខណ្ឌពោធិ៍សែនជ័យ ចាប់ខ្លួនបានជាបន្តបន្ទាប់បានពីរនាក់ ព្រមទាំងដកហូតបានអាវុធ AK មួយដើម និងម៉ូតូ១គ្រឿងរួមជាមួយគ្រឿងអលង្កាមួយចំនួនដែលប្លន់បានមកវិញផងដែរ ។
ហេតុការណ៍នោះបានកើតឡើងកាលពីវេលាម៉ោង៧និង៣០នាទីយប់ថ្ងៃទី១៥ ឧសភា ២០១២ នៅក្នុងភូមិសិរីសម្បត្តិ សង្កាត់គងនយ ខណ្ឌដង្កោ រាជធានីភ្នំពេញ។ ជនរងគ្រោះដែលជាម្ចាស់ផ្ទះឈ្មោះអ៊ុក សុវណ្ណា ភេទប្រុស អាយុ៥០ឆ្នាំ ជាអនុប្រធានការិយាល័យកសិកម្មនៃមន្ទីរកសិកម្មខេត្តកណ្តាល ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ