សារព័ត៌មានបរទេសផ្សាយឱ្យដឹងថា តាមអ្នកជំនាញមកពីមហាវិទ្យាល័យថូហូគូ ក្នុងទីក្រុងសេនដាយ ខេត្តមីយ៉ាងី ប្រទេសជប៉ុន បានធ្វើការប្រកាសអាសន្នថាជប៉ុនកំពុងប្រឈមមុខនឹងបញ្ហាធំអាចធ្វើឱ្យបាត់បង់សញ្ជាតិ ក្នុងពេលអនាគត ព្រោះកង្វះខាតអ្នកតំណពូជ ។
របាយការណ៍បញ្ជាក់ឱ្យដឹងថា ជប៉ុនអាចដល់ថ្នាក់បាត់បង់ប្រជាជននៅក្នុងឆ្នាំ៣០១១ គឺ១០០០ឆ្នាំខាងមុខ ប្រសិនបើអត្រាកំណើតនៅក្នុងប្រទេសនៅតែបន្តបែបនេះ រួមទាំងបញ្ជាក់ថា បច្ចុប្បន្នកុមារជប៉ុនដែលមានអាយុទាបជាង១៤ឆ្នាំនៅក្នុងប្រទេស នៅត្រឹមតែ១៦,៦លាននាក់ និងមាននិន្នាការធ្លាក់ចុះបន្ថែម១នាក់ទៀតនៅរៀងរាល់១០០វិនាទី ។
តាមទិន្នន័យរបស់រដ្ឋាភិបាលជប៉ុន ដែលមានការស្រាវជ្រាវចុងក្រោយបញ្ជាក់ថា អត្រាកើតរបស់ទារកក្នុងប្រទេសមានការធ្លាក់ចុះនៅសល់ត្រឹមតែ១,៣៥នាក់ ចំពោះស្ត្រី១នាក់ ក្នុងអំឡុងពេល៥០ឆ្នាំខាងមុខ និងនៅក្នុង១០០ឆ្នាំខាងមុខ ចំនួនប្រជាជនជប៉ុននឹងធ្លាក់ចុះនៅសល់ត្រឹម១ភាគ៣ ពីចំនួនប្រជាជន១២៧,៧លាននាក់នាពេលបច្ចុប្បន្ន ។
មូលហេតុចម្បងដែលជនជាតិជប៉ុនមិនចង់មានកូនដោយសារថ្លៃចំណាយលើការរស់នៅខ្ពស់ រួមទាំងមនុស្សសម័យថ្មីក្នុងប្រទេសជប៉ុនមានចំណាប់អារម្មណ៍លើការរួមភេទ និងបង្កើតក្រុមគ្រួសារកាន់តែមានចំនួនតិច ដោយប្រទះឃើញថា បុរសនៅលីវជនជាតិជប៉ុនច្រើនជាង៦ភាគរយគ្មានគូស្នេហ៍ និងជិត៥០ភាគរយនៃស្ត្រីនៅលីវក្នុងប្រទេសជប៉ុនក៏គ្មានគូស្នេហ៍ដូចគ្នា ៕
ចែករំលែកព័តមាននេះ