ទីភ្នាក់ងារព័ត៌មានបរទេសកាលពីថ្ងៃទី១១ ឧសភា កន្លងមក ផ្សាយឱ្យដឹងថា ទស្សនាវដ្តី«ថែម»បានបង្កើតទិដ្ឋភាពគួរឱ្យចម្លែកក្នុងចិត្ត និងភ្ញាក់ផ្អើលដល់អ្នកអាន ដោយបង្ហាញរូបភាពស្ត្រីម្នាក់កំពុងអាយុ២៦ឆ្នាំ បំបៅដោះកូនអាយុ៣ឆ្នាំ ។
ទស្សនាវដ្តីខាងលើបានបង្ហាញពីខ្សែជីវិតរបស់ស្ត្រីជាម្តាយជនជាតិអាមេរិក ដែលមានវិធីសាស្ត្រចិញ្ចឹមកូនដ៏ចម្លែកខុសពីស្ត្រីផ្សេង ព្រោះនៅតែបំបៅដោះកូន ទោះបីជាកូនមានអាយុច្រើនឆ្នាំក៏ដោយ ។
នាងហ្សាមី លីន ហ្គ្រូម៉េដ អ្នកស្រុកនៅក្រុងឡូសអេនជឺឡេស អាយុ២៦ឆ្នាំ បានបង្ហាញពីទឹកចិត្តក្នុងការចិញ្ចឹមបីបាច់កូនរបស់ខ្លួនដោយបញ្ជាក់ថា នាងបានប្រើវិធីសាស្ត្រចិញ្ចឹមកូន បច្ចុប្បន្ន ដូចកូនច្បងរបស់នាងដែលមានអាយុ៥ឆ្នាំ ហើយក្លាយជាបញ្ហាចម្បងត្រូវបានវិភាគតាមប្រព័ន្ធអ៊ីនធើរណេត ។
សម្រាប់រូបនាងផ្ទាល់ ក៏ត្រូវបានចិញ្ចឹមដោយទឹកដោះម្តាយរហូតដល់អាយុ៦ឆ្នាំដែរ ។ ការផ្តល់ទឹកដោះម្តាយដល់កូនប្រៀបដូចជាវត្ថុគួរឱ្យកក់ក្តៅសម្រាប់កូន ព្រោះកូនបានឱបម្តាយ ហើយម្តាយអាចលួងលោមកូន និងផ្តល់ក្តីស្រឡាញ់ដ៏កក់ក្តៅ ដែលទាំងនេះបានកើតចេញពីបទពិសោធន៍ដែលខ្លួនធ្លាប់ជួបដោយផ្ទាល់ ។
ក្រៅពីនេះ នាងបានបន្តទៀតថា ខ្លួនតាំងចិត្តនឹងផ្តល់ទឹកដោះដល់សាមូអេល ដែលជាកូនបច្ចុប្បន្នសុំពីប្រទេសអេត្យូពី ជាមធ្យមមួយលើកក្នុងមួយខែ ៕
ចែករំលែកព័តមាននេះ