AFP ផ្សាយឱ្យដឹងថា បុរសជនជាតិអូស្ត្រាលីម្នាក់ត្រូវបានបុគ្គលិកពេទ្យប្រកាសថា បានស្លាប់ក្រោយពីជួបឧប្បត្តិហេតុក្រឡាប់រថយន្ត ប៉ុន្តែបច្ចុប្បន្នបានទទួលការអនុញ្ញាតឱ្យចាកចេញពីមន្ទីរពេទ្យ ព្រោះអាការរបួសមានសភាពល្អប្រសើរឡើងវិញ ។
លោកដានីញែល ហាហ្វ អាយុ៣០ឆ្នាំ បានជាប់ក្នុុងរថយន្តដែលក្រឡាប់នៅជាយក្រុងម៉េលប៊ន និងត្រូវបានប្រកាសថាស្លាប់នៅកន្លែងកើតហេតុ ក្រោយពីទទួលការព្យាបាលជាលើកដំបូងកាលពីថ្ងៃទី១ មេសា កន្លងមក ។ របាយការណ៍បញ្ជាក់ថា គេស្ថិតនៅក្នុងរថយន្តរយៈពេលជិត១ម៉ោង ខណៈពេលប៉ូលិសចាប់ដំណើរការត្រួតពិនិត្យរហូតដល់មន្ត្រីសង្គ្រោះបន្ទាន់ចាប់ផ្តើមបំលាស់ទីខ្លួនប្រាណជនរងគ្រោះ ដែលពួកគេគិតថាជាសាកសព ប៉ុន្តែប្រទះឃើញថា បេះដូង ខ្លួនប្រាណរបស់ជនរងគ្រោះនៅដំណើរ
ការ ។
តាមប្រភពពីកាសែត«ឌីអេច»ផ្សាយឱ្យដឹងថា លោកហាហ្វ បានចាកចេញពីមន្ទីរពេទ្យ កាលពីថ្ងៃទី១០ ឧសភា កន្លងមក ខណៈពេលឪពុករបស់លោកថ្លែងថា «យើងដឹងថា វាជារឿងដ៏អច្ឆរិយៈ ដែលដានីញែលអាចដើរបាន និងរស់រានមានជីវិតវិញ » ។ ខាងមន្ទីរពេទ្យវិចតូរីយ៉ាបង្ហើបឱ្យដឹងថា បច្ចុប្បន្នគេកំពុងស៊ើបអង្កេតពីកំហុសឆ្គងរបស់បុគ្គលិកពេទ្យខាងលើ ចំនួន២នាកដែលកំពុងប្រេះស្រាំផ្លូវចិត្តយ៉ាងខ្លាំង ៕
ចែករំលែកព័តមាននេះ