អង្គការអូតង់រាយការណ៍ថា បុរស២នាក់ ស្លៀកពាក់ឯកសណ្ឋានប៉ូលិសអាហ្វហ្គានីស្ថានបានបាញ់សម្លាប់ទាហានអូតង់២នាក់កាលពីថ្ងៃទី១២ឧសភានៅភាគខាងត្បូងអាហ្វអាហ្គានីស្ថាន ។
អ្នកនាំពាក្យម្នាក់របស់កងកម្លាំងអូតង់នៅអាហ្វហ្គានីស្ថានគូសបញ្ជាក់ថា យើងទទួលបានពាក្យចចាមអារ៉ាមថាខ្មាន់កាំភ្លើងទាំង២នាក់នោះស្ថិតក្នុងជួរកងកម្លាំងប៉ូលិសអាហ្វហ្គានីស្ថាន ក៏ប៉ុន្តែរបាយការណ៍នានាបញ្ជាក់ថាបុរសទាំងនេះ ជាពួកបះបោរបន្លំខ្លួនធ្វើប៉ូលិសហើយពួកគេពុំមែនជាប៉ូលិសទេ ។ ការអះអាងទាំងនេះគឺផ្ទុយគ្នានឹងការរៀបរាប់របស់លោកម៉ូហាម៉ាដ អ៊ីស្មាអ៊ីល ហូតាន់ នាយប៉ូលិសម្នាក់ទទួលបន្ទុកសន្តិសុខខេត្តហែលម៉ង់ ដែលកើតមានឧប្បត្តិហេតុនេះដែលតាមនាយប៉ូលិសរូបនោះថា ខ្មាន់កាំភ្លើងចាប់តាំងពី១ឆ្នាំមកហើយស្ថិតក្នុងកងវរសេនាតូចទី៥របស់ប៉ូលិសអាហ្វហ្គានីស្ថាន ។ មុននេះលោកហ្វារីដ អាម៉ាដ ហ្វារហង់ អ្នកនាំពាក្យរបស់ប៉ូលិសខេត្តនោះថ្លែងថា ជនរងគ្រោះទាំង២នាក់ ជាទាហានអង់គ្លេសត្រូវសម្លាប់ដោយប៉ូលិសអាហ្វហ្គានីស្ថាន២នាក់ក្នុងមូលដ្ឋានយោធារួមមួយននៃស្រុក NAHRE SARAJ ខេត្តហែលម៉ង់ ។
សមាជិកកងកម្លាំងអូតង់នៅអាហ្វហ្គានីស្ថាន ២២នាក់ហើយត្រូវស្លាប់ក្នុងឆ្នាំ២០១២ដោយសារការបាញ់ប្រហាររបស់កងកម្លាំងអាហ្វហ្គានីស្ថានក្នុងឧប្បត្តិហេតុដាច់ដោយឡែកពីគ្នាចំនួន១៦ ៕
ចែករំលែកព័តមាននេះ