លោក LEE JAE-OH មនុស្សជំនិតម្នាក់ក្នុងចំណោមមនុស្សជំនិតរបស់ប្រធានាធិបតីកូរ៉េខាងត្បូងលោកលីម្យុងបាក់បានប្រកាសកាលពីថ្ងៃទី១០ឧសភាពីការឈរឈ្មោះជាបេក្ខជនក្នុងការបោះឆ្នោតប្រធានាធិបតីដោយលោកសន្យាធ្វើការកែទម្រង់នយោបាយដ៏ជ្រាលជ្រៅ ជាពិសេសពិនិត្យឡើងវិញនូវផែនការ៥ឆ្នាំបច្ចុប្បន្ន ។
លោកJAE-OH មានប្រសាសន៍ថា ប្រសិនបើលោកជាប់ឆ្នោតជាប្រធានាធិបតី នោះលោកនឹងស្វះស្វែងសើរើរដ្ឋធម្មនុញ្ញដើម្បីឱ្យមានការផ្លាស់ប្តូរក្នុងរបបប្រធានាធិបតីនិងធ្វើឱ្យការបោះឆ្នោតប្រធានាធិបតី និងការបោះឆ្នោតសភាអាចធ្វើក្នុងឆ្នាំជាមួយគ្នា ។
នៅកូរ៉េខាងត្បូងការបោះឆ្នោតប្រធានាធិបតីនិងការបោះឆ្នោតសភាពុំធ្វើក្នុងឆ្នាំជាមួយគ្នាឡើយ ពីព្រោះបណ្តាសមាជិកសភាមានអាណត្តិ៤ឆ្នាំ ខណៈដែលប្រធានាធិបតីមានអាណត្តិ៥ឆ្នាំ។ ឆ្នាំនេះជាឆ្នាំពិសេសដែលជាលើកដំបូងចាប់តាំងពី២ទសវត្សមកហើយដែលការបោះឆ្នោតទាំង២នេះធ្វើក្នុងឆ្នាំជាមួយគ្នា ។
លោក LEE JAE OH ជាសមាជិកសភា ចាត់ទុកចាប់តាំងពីយូរមកហើយជាដៃស្តាំរបស់ប្រធានាធិបតីនោះក៏មានបំណងផងដែរកែប្រែប្រព័ន្ធបច្ចុប្បន្នផ្តល់អំណាចច្រើនដល់ប្រមុខរដ្ឋដែលញ៉ាំងឱ្យកើតមានអំពើពុករលួយហើយអំពាវនាវឱ្យមានការចែករំលែកកាតព្វកិច្ច និងការទទួលខុសត្រូវទាំងឡាយរបស់ប្រធានា ធិបតី។ក្នុងសន្និសីទសារព័ត៌មានមួយលោក LEE JAE OH ក៏បានសន្យាផងដែរកាត់បន្ថយចំនួនសមាជិកសភាមកនៅត្រឹម២០០រូបទល់នឹង៣០០រូបនាពេលបច្ចុប្បន្ន ៕
ចែករំលែកព័តមាននេះ