ជាការបញ្ជាក់នូវគុណភាពខ្ពស់ជាប់ជានិច្ចស្រាបៀរAnchor ដែលត្រូវបានផលិត និងចែកចាយដោយរោងចក្រផលិតស្រាបៀរកម្ពុជា (Cambodia Brewery Limited) បានឈ្នះមេដាយមាសផ្នែកគុណភាព (Gold Quality Award) នៅក្នុងការប្រកួត Monde Selection 2012 ។
លើសពីនេះទៀត ដោយបានឈ្នះមេដាយមាសជាបន្តបន្ទាប់នៅក្នុងការប្រកួត Monde Selection រយៈពលេបីឆ្នាំជាប់ៗគ្នា ស្រាបៀរ Anchor ក៏បានទទួលនូវពានរង្វាន់ផ្នែកគុណភាពខ្ពស់លំដាប់ថ្នាក់អន្តរជាតិប្រចាំឆ្នាំ២០១២ (Inernational High Quality Trophy 2012) ផងដែរ ។
លោក Edmond Neo នាយកផ្នែកផ្សាយពាណិជ្ជកម្មនៃក្រុមហ៊ុនផលិតស្រាបៀរប្រចាំអាស៊ីប៉ាស៊ីហ្វិកបានថ្លែងថា «ជាថ្មីម្តងទៀត យើងមានកិត្តិយសយ៉ាងខ្លាំងដែលទទួលបាននូវការទទួលស្គាល់ជាអន្តរជាតិនេះ ដែលស្តែងឱ្យឃើញពីការខិតខំប្រឹងប្រែងឥតឈប់ឈររបស់យើងក្នុងការផ្តល់ជូននូវស្រាបៀរប្រកបដោយគុណភាពល្អបំផុត ។ ដោយទទួលបាននូវពានរង្វាន់ផ្នែកគុណភាពនេះ ស្រាបៀរ Anchor នៅតែជាស្រាបៀរដ៏ល្អបំផុតនៅក្នុងពិភពលោក» ។
រីឯលោក Roland Bala អគ្គនាយករោងចក្រផលិតស្រាបៀរកម្ពុជាបានបញ្ជាក់ថា «មេដាយនេះបញ្ជាក់អំពីការបេ្តជ្ញាចិត្តរបស់យើងក្នុងការផ្តល់ជូនតែស្រាបៀរលំដាប់ថ្នាក់លេខមួយ ។ ដើម្បីបំពេញតម្រូវការស្រាបៀរគុណភាពខ្ពស់យើងនៅតែបន្តផ្តល់ជូននូវរសជាតិដ៏វិសេសវិសាលនៃស្រាបៀរ Anchor ដែលជាម៉ាកសញ្ញាស្រាបៀរដ៏ពេញនិយមក្នុងចំណោមអតិថិជននៅក្នុងប្រទេសកម្ពុជាសព្វថ្ងៃនេះ ។ ចាប់តាំងពីការផលិតរហូតដល់កន្លែងលក់ស្រាបៀររបស់យើង យើងធានាថាតែងតែមានការរីករាយពេញចិត្តចំពោះផលិតផលស្រាបៀររបស់យើង»។
ស្រាបៀរ Anchor គឺជាស្រាបៀរដែលផ្តល់នូវភាពរីករាយស្រស់ថ្លា ដែលត្រូវបានផលិតទៅតាមប្រពៃណីផលិតស្រាបៀររបស់អាល្លឺម៉ង់-អឺរ៉ុប ។ ជាលទ្ធផលនៃការប្រើប្រាស់គ្រឿងផ្សំដែលមានគុណភាពល្អ រួមជាមួយដំណើរការផលិតដោយយកចិត្តទុកដាក់បំផុត ស្រាបៀរពណ៌មាសថ្លាត្រូវបានផលិតឡើងប្រកបដោយរសជាតិស្រាលស្រទន់ ស្រស់ស្រាយ ។ ដោយមានបរិមាណជាតិអាល់កុល៥ភាគរយ ស្រាបៀរ Anchor មានក្លិនក្រអូបប្រហើរ និងរសជាតិឆ្ងាញ់ផ្តល់នូវភាពសប្បាយរីករាយ ៕
ចែករំលែកព័តមាននេះ