ប្រទេសចិនបានស្នើកាលពីថ្ងៃទី៩ឧសភា ដល់ប្រទេសហ្វ៊ីលីពីនកុំឱ្យបំផ្លាញថែមទៀត ដល់ទំនាក់ទំនងទ្វេភាគីដោយសម្តែងពីឆន្ទៈធ្វើការស្រាវជ្រាវរុករករួមគ្នានូវធនធានឧស្ម័នក្នុងដែនទឹកនៃប្រជុំកោះណាសាក្នុងសមុទ្រចិនខាងត្បូង ។ អ្នកនាំពាក្យក្រសួងការបរទេសចិនលោកហុងឡី អះអាងបែបនេះក្នុងសន្និសីទសារព័ត៌មានមួយដោយធ្វើអត្ថាធិប្បាយពីលទ្ធភាពនៃការបង្កើនភាពតានតឹង ក្រោយឧប្បត្តិហេតុនៅកោះ HUANGYAN ។
លោកហុងឡីឱ្យដឹងថា អនុរដ្ឋមន្ត្រីការបរទេសចិនលោកហ្វូយិញ កាលពីថ្ងៃទី៧ឧសភា កន្លងមកនេះបានបង្ហាញពីជំហរនិងការទាមទាររបស់ចិនក្នុងការបកស្រាយចំពោះភាគីហ្វ៊ីលីពីន។ លោកគូសបញ្ជាក់ថា ការប្រើពាក្យខ្លាំងៗនិងច្រំដែលៗដោយហ្វ៊ីលីពីនទាក់ទិនដល់ឧប្បត្តិហេតុនៅកោះ HUANGYAN ញ៉ាំងឱ្យសាធារណជនមានការក្តៅក្រហាយហើយបំផ្លាញយ៉ាងខ្លាំងដល់បរិយាកាសនៃទំនាក់ទំនងទ្វេភាគី ។
ហ្វ៊ីលីពីនក៏អុជអាលផងដែរដល់ប្រជាជនខ្លួននិងជនជាតិហ្វ៊ីលីពីនរស់នៅបរទេសឱ្យធ្វើបាតុកម្មនានាប្រឆាំងចិនធ្វើឱ្យមានប្រតិកម្មខ្លាំងក្លា និងការព្រួយបារម្ភរបស់ជនជាតិចិនដែលរស់នៅឯបរទេស ។ យើងសង្ឃឹមថា ហ្វ៊ីលីពីននឹងបញ្ឈប់បំផ្លាញទំនាក់ទំនងទ្វេភាគីហើយដោះស្រាយទំនាស់តាមផ្លូវការទូត ៕
ចែករំលែកព័តមាននេះ