ក្បួនព្យុហយាត្រាយោធាមួយត្រូវបានធ្វើឡើងកាលពីថ្ងៃទី៩ឧសភានៅទីលានក្រហមក្រុងមូស្គូនាឱកាសខួបលើកទី៦៧នៃជ័យជំនះរបស់ពួកសូវៀតលើអាល្លឺម៉ង់ណាហ្ស៊ី ក្នុងសម័យសង្គ្រាមលោកលើកទី២ ។ ប្រធានាធិបតីថ្មីរុស្ស៊ីលោកវ៉្លាឌីមៀរ ពូទីន និងនាយករដ្ឋមន្ត្រីថ្មីលោកឌីមីទ្រីម៉េដវេដេវ អមដំណើរដោយឥស្សរជនជាន់ខ្ពស់រុស្ស៊ីនិងបរទេស បានចូលរួមទស្សនាក្បួនព្យុហយាត្រាយោធានោះ ។
លោកពូទីនដែលចូលកាន់តំណែងប្រធានាធិបតីថ្មីកាលពីថ្ងៃទី៧ឧសភា កន្លងមកនេះ បានថ្លែងសុន្ទរកថាមួយនាឱកាសព្យុហយាត្រានេះ ដោយលោកគូសបញ្ជាក់ថាបណ្តាពលីកម្មរបស់សហភាពសូវៀតក្នុងការតស៊ូប្រឆាំងពួកណាហ្ស៊ី បានផ្តល់ឱ្យរុស្ស៊ីនូវសិទ្ធិមិនអាចខ្វះបាននៃការប្រកាន់ជំហររបស់ខ្លួនលើបណ្តាបញ្ហាសន្តិសុខ ពិភពលោក ។
សហភាពសូវៀតបានបាត់បង់មនុស្សដល់ទៅ២៧លាននាក់ក្នុងសង្គ្រាមលោកលើកទី២ ។ ម្យ៉ាងវិញទៀត ទីក្រុងនិងភូមិចំនួន១.៧០០ ត្រូវបំផ្លាញ ហើយទីតាំងប្រវត្តិសាស្ត្រនិងវប្បធម៌ជាច្រើនត្រូវរងការខូចខាតមិនអាចជួសជុលវិញបាន ។ ព្យុហយាត្រានាថ្ងៃទី៩ ឧសភា មានទាហានចូលរួមប្រមាណជា១៤.០០០នាក់ ព្រមទាំងបង្ហាញសព្វាវុធទំនើបៗក្នុងនោះមានមីស៊ីល បាលីស្ទីកធុនTOPOL-M បណ្តាមីស៊ីលការពារអាកាស S-400 TRIOMPHE និងមីស៊ីល ISKANDER-M ៕
ចែករំលែកព័តមាននេះ