សេតវិមានរាយការណ៍កាលពីថ្ងៃទី៩ឧសភា ថាប្រធានាធិបតីរុស្ស៊ីលោកវ៉្លាឌីមៀរពូទីន ដែលធ្វើសច្ចាប្រណិធានចូលកាន់តំណែងកាលពីថ្ងៃទី៧ ឧសភា នឹងពុំទៅចូលរួមក្នុងកិច្ចប្រជុំកំពូលរបស់ G-8 ដែលគ្រោងធ្វើនាថ្ងៃទី១៨និង១៩ឧសភា នៅ CAMP DAVID សហរដ្ឋអាមេរិកឡើយ ។
យោងតាមសេតវិមានថាអវត្តមានរបស់លោកពូទីនមកពីលោកជាប់រវល់ក្នុងការរៀបចំរដ្ឋាភិបាលថ្មីរបស់លោក ។ រុស្ស៊ីនិងតំណាងនៅ CAMP DAVID ដោយនាយករដ្ឋមន្ត្រីលោកឌីមីឌ្រីម៉េដវេដេវ ។ សេតវិមានឱ្យដឹងទៀតថា ប្រធានាធិបតីអាមេរិកលោកបារ៉ាក់ អូបាម៉ា និងលោកពូទីនបានព្រមព្រៀងគ្នាថានឹងជួបគ្នានៅខាងក្រៅកិច្ចប្រជុំកំពូលរបស់G-20 ដែលនឹងប្រព្រឹត្តទៅក្នុងខែមិថុនាខាងមុខនេះនៅម៉ិចស៊ិក ។ ប្រមុខរដ្ឋទាំង២សន្យាពង្រឹងកិច្ចសហប្រតិបត្តិការអាមេរិក-រុស្ស៊ីដោយឈរលើមូលដ្ឋាននៃផលប្រយោជន៍យុទ្ធសាស្ត្រទៅវិញទៅមក ៕
ចែករំលែកព័តមាននេះ