គ្រាប់បែកមួយគ្រាប់បានផ្ទុះកាលពីថ្ងៃទី៩ ឧសភាពេលក្បួនរថយន្តពួកអ្នកសង្កេតការណ៍អ.ស.ប នៅស៊ីរីបើកកាត់ហើយអគ្គលេខាធិការអ.ស.ប លោកបានគីមូន យល់ថា ការវាយប្រហារនោះអាចប៉ះពាល់ដល់បេសកកម្មរបស់អ.ស.ប ក្នុងប្រទេសនេះ ។
អំពើហិង្សាក៏កើតមាននៅកន្លែងដទៃៗទៀតរបស់ស៊ីរីដែលតាមអង្គការក្រៅរដ្ឋាភិបាលស៊ីរីមួយថា បណ្តាលឱ្យមនុស្សស្លាប់១១នាក់។ការផ្ទុះគ្រាប់បែកពេលមានការឆ្លងកាត់របស់ក្បួនរថយន្តអ.ស.បដែលប្រមុខអ្នកសង្កេតការណ៍ឧត្តមសេនីយ៍ន័រវែស ROBERT MOOD ស្ថិតក្នុងក្បួននោះដែរកើតមានការច្រកចូលទីក្រុងដឺរ៉ាអា ជាកន្លែងមាននៅបះបោរតវ៉ានៅភាគខាងត្បូងប្រទេស ។ គ្រាប់បែកផ្ទុះក្រោយការឆ្លងកាត់របស់រថយន្តអ.ស.ប៤គ្រឿង ។ នៅពីក្រោយរថយន្តទាំងនោះមានបណ្តារថយន្តរបស់កងទ័ពស៊ីរីនិងរបស់ពួកអ្នកកាសែតដែលត្រូវប៉ើងពេលគ្រាប់បែកផ្ទុះ ។ ទាហានស៊ីរី១០នាក់ត្រូវរបួស។ ឧត្តមសេនីយ៍ន័រវែសរួមជាមួយអ្នកនាំពាក្យរបស់លោករួចផុតពីគ្រោះថ្នាក់ ។ បណ្តាអ្នកកាសែតក៏គេចផុតពីគ្រោះថ្នាក់ដែរ ។
នេះជាលើកទីមួយហើយដែលក្បួនរថយន្តអ.ស.ប រងការវាយប្រហារតាំងពីចាប់ផ្តើមដាក់ពង្រាយពួកអ្នកសង្កេតការណ៍ពីថ្ងៃទី១៥ មេសា ដើម្បីត្រួតពិនិត្យបទឈប់បាញ់គ្នា បង្កើតឡើងកាលពីថ្ងៃទី១២មេសាដោយអនុវត្តផែនការរបស់លោកកូហ្ស៊ីអាណាន់ដោយបទឈប់បាញ់គ្នានេះគេបន្តធ្វើមិនដឹងមិនឮ ៕
ចែករំលែកព័តមាននេះ