ខេត្ត​ឧត្ត​រមាន​ជ័យ​ទប់​ស្កាត់អ្នក​ឡើង​ភ្នំដ​ងរែក121​នាក់​នៅ​បន្ទាយ​មាន​ជ័យ6​នាក់​ថៃ​ចាប់​ខ្លួន​

ខេត្ត​ឧត្តរ​មានជ័យ​​​​​​ ៖ មន្ត្រីក្រុម​ការងារ​​​ចម្រុះ​​​ដែល​​​​បង្កើ​ត​​ឡើ​ង​​ដោយ​​អាជ្ញាធរ​ខេត្ត​​​​​បានធ្វើ​ការ​ទប់​ស្កាត់​​​ប្រជាពលរដ្ឋ​​​ដែល​មាន​​​​បំណង​​​ឡើង​ភ្នំដង​រែក​​​​ ហើយ​​​លួច​ឆ្លង​ដែន​ចូល​ទៅ​​ក្នុង​ទឹកដី​ថៃ​​​កាប់​ឈើ​​គ្រញូង​​ បាន​បង្ហាញ​​​តួ​លេខ​​​ឱ្យ​ដឹង​ថា​​ បន្ទាប់​​ពី​​ចាប់​ផ្តើម​​​បើក​យុទ្ធ​នាការ​​​​ កាល​​ពី​​​ថ្ងៃទី​​​២៤ ខែ​មេសា រហូត​ដល់​​ថ្ងៃទី​​២ ឧសភា គឺបាន​​ឃាត់​​ខ្លួន​​​​​​នាំ​​មក​​​​​​អប់​រំ​​​ចំនួន​​១២១ នាក់​​រួ​ច​ដោះ​លែង​​​ឱ្យ​ទៅ​​លំនៅ​​ឋាន​​វិញ​ ។

លោក​ឃុន សុភា នាយ​រង​​ខណ្ឌ​​រដ្ឋ​បាល​​​ព្រៃ​ឈើ​​​ខេត្ត​​​បានឱ្យ​កោះសន្តិភាព​​ដឹង​ថា លោក​បាន​​​​ដឹក​នាំ​​កម្លាំង​​ចម្រុះ​ចុះ​ធ្វើ​​​ការ​មាន​ចំនួន​​​៦គោល​ដៅ​​​ គឺ​១​- ច្រក​​​ថ្មបី​​ដុំ​ ដែល​​​មាននិ​​​យាម​​​ការ U.T.M​​ លេខ​​​៤២៥១២៩=១៥៨៤៤០៦២១​, ​២- ​​ច្រក​ថ្ម​​​ប្រេះ​​​ ដែល​មាន​​និ​យាម​​​ការ U.T.M​ លេខ​​​៤២៣៨៨៥=១៥៨៤១៧៧, ​​៣- ច្រក​​​ចំបក់​កោង​ ​​ដែល​មាននិ​​​​យាម​ការ U.T.M លេខ​​​៤២៧៣៨៣៣=១៥៨៣៩០៣, ៤- ច្រក​​ចម្ការ​​​ដំឡូង​​ ដែល​មាននិ​​​យាម​ការ U.T.M លេខ​​​៤២២២​៦៥​=​១៥​៨៤​៣៧៧, ៥- ច្រក​​ឈើ​ទាល​​​ជ្រុំ​ ដែល​មាន​​និយាម​​ការ U.T.M​​ លេខ​​​៤២៥១២៩=​១៥៨៤០៦២​​ និ​ង៦- ច្រក​ក្បាល​​អូរ​ស្វាយ​​  ដែលមាននិ​​​​យាម​កា​រ U.T.M​ លេខ​​៤១១៨៣៥=១៥​៨៤​​៤៧​​​៧១​​​ ។ លោក​បានបន្តថា​ ក្នុង​ការ​បើក​​យុទ្ធ​នាការ​​​នេះមាន​​រយៈ​​​ចំនួន​​​​៨ថ្ងៃ​​​​​​បាន​ធ្វើ​ការ​ទប់​ស្កាត់​​និង​ឃាត់​ខ្លួន​​​ប្រជា​​ពលរដ្ឋ​​ចំនួន​​​​១២១​នាក់​​​នាំមក​​​ធ្វើ​​ការ​​អប់​រំ​​​និង​​​ធ្វើ​​ការ​ផ្សព្វ​ផ្សាយ​​​ដល់​​ពួក​គាត់​​ឱ្យ​​យល់​ដឹង​​​ពីគ្រោះ​ថ្នាក់​​ជាយ​ថា​ហេតុ​​​ ។ លោក​បាន​បញ្ជាក់​​ថា សព្វ​ថ្ងៃ​​​នេះ​​ហាង​​ឆេង​​​ឈើ​គ្រញូង​​​មាន​តម្លៃ​​​ដូច​មាស​​ ទើប​ធ្វើ​​ឱ្យ​​ប្រជា​ពលរដ្ឋ​​​ខ្មែរ​​​​​ដែល​ក្រី​ក្រ​​​គ្មា​ន​មុខ​របរ​​​ងាយ​ទទួល​​​រងគ្រោះ​​​ ដោយ​អ្នក​ខ្លះ​​​ឡើង​ភ្នំដង​រែក​​​​ឆ្លង​ដែន​​ចូល​​​ទៅក្នុង​ទឹក​ដី​​ថៃ​​ ដែល​អ្នក​ខ្លះ​​​គ្មាន​​​នរណា​​​ជួល​​ទេ រីឯ​​អ្នក​ខ្លះ​​​មាន​ពួក​ឈ្មួញ​​​ជួល​ទៅ​​អូស​​​​ កាប់​ឈើ​គ្រញូង​​ត្រូវ​​ក្រុម​ទាហាន​​​​ថៃបាញ់​​​ស្លាប់​​​ពេញ​ព្រៃ​​​ដោយ​គ្មាន​​​នរណា​​ម្នាក់​​ទទួល​ខុស​ត្រូវ​​​ ។ ជាក់​ស្តែង​​នាពេល​កន្លង​ម​ក​ ដូច​​ជា​ប្រជា​ពលរដ្ឋ​​​​​មក​ពីបណ្តា​​​ខេត្ត​​​-ក្រុង​​ផ្សេងៗ​​ពុំ​​​មាន​សាច់​ញាតិ​​​ណា​អាច​យក​​​សព​​​​​មក​ធ្វើ​បុណ្យ​​បាន​ឡើយ​​​គឺ​ស្លាប់​​ស្អុយ​​រលួយ​​ក្នុង​ព្រៃ​​ដូច​​សត្វ​ធាតុ​ បើ​អ្នក​​​រង​របួស​​ធ្ងន់​ឬ​ស្រាល​​​គ្មាន​នរណា​​​ព្យា​​បាល​​​ក៏​អាច​​ស្លាប់​បាន​ដែរ ។ ចំណែក​​អ្នក​ដែលត្រូវ​​​ក្រុ​ម​ទាហាន​​​ថៃចាប់​ខ្លួន​​ ត្រូវ​បាន​​កាត់​ទោស​​​ជាប់​ពន្ធ​នាគារ​​​ចាប់​ពី​​​៥ដល់​​១០ឆ្នាំ​​ បែក​ប្រពន្ធ​-កូន​​​ ដូច្នេះ​​​ប្រជា​​ពលរដ្ឋ​​​ទាំង​អស់​គ្នា​​ត្រូវ​​តែ​ស្រឡាញ់​​​​​​អាយុ​ជីវិត​​​ និ​ង​​ប្រពន្ធកូន​​​របស់​ខ្លួន​​​ គួ​រតែ​​កុំ​មក​ផ្សង​ព្រេង​បែប​នេះត​ទៅ​ទៀត ។

លោក​​​ឃុន សុភា បាន​បន្ត​ទៀត​ថា ប្រជា​ពលរដ្ឋ​​​ដែលត្រូវ​​បាន​​​ឃាត់​ខ្លួន​​ទាំង​​១២១នាក់​​នោះ គឺ​​មក​ពី​ខេត្ត​​​សៀម​រាប​ចំនួន​​​៤៤​នាក់ មក​​​ពី​ខេត្ត​កំពង់​ស្ពឺ​​​ចំនួន​​​២៩នាក់ មក​ពីខេត្ត​​​តាកែវចំនួន​​​២នាក់​​ មក​ពីខេត្ត​​​កំពត​ចំនួន​​​២៤​នាក់​ មកពី​ខេត្ត​បាត់​ដំបង​​​ចំនួន​​​​១នាក់​ មក​ពី​​​ខេត្ត​​​ពោធិ៍​​​សាត់​​​ចំនួន​​​១៤​នាក់​ មក​ពីខេត្ត​​​ព្រះ​វិហារ​​​ចំនួន​​១នាក់ និងនៅខេត្ត​​​​​​ឧត្ត​រ​មាន​ជ័យ​​​​​នេះ​​មាន​ចំនួន​​​៦នាក់ ៕

ខេត្តរតនគិរី​៖ ចៅក្រម​សាលាដំបូង​ខេត្ត លោកស្រី ជ័យ មាលា បាន​ចេញ​ដីកា​ឃាត់ខ្លួន​បុរស​ម្នាក់​ដែល​តាំង​ខ្លួនឯង​ជា​ឧកញ៉ា ​​កាលពី​ព្រឹក​ថ្ងៃ​ទី​២៧ ឧសភា ឆ្នាំ​២០១៥

ខេត្តបន្ទាយមានជ័យ​ ៖ ​ករណី​ហិ​ង្សា​នៅ​ក្រុង​ប៉ោយ​ប៉ែ​ត ​ដែល​បង្ក​ឡើង​ដោយ​ក្រុម​កម្មករ​អូស​រទេះ​ ប្រព្រឹត្ត​ទៅ​កាលពី​ថ្ងៃ​ទី​២៥ ឧសភា​ ២០១៥ ​ធ្វើ​ឲ្យ​ខូច​ខាត​​យ៉ាងធ្ងន់ធ្ងរ​ដល់​ប៉ុស្តិ៍​យាម ​និង​អគារ​ការិយាល័យ​គយ​

រាជ​ធានី​ភ្នំពេញ​ ៖ នារី​ម្នាក់​ដែល​អះ​អាង​ថា ខ្លួន​ជា​អ្នក​ចម្រៀង​នៅ​ក្រុម​តន្ត្រី​អង្គ​រក្ស​បាន​ធ្វើ​ដំណើរ​មក​លោត​ទឹក​សម្លាប់​ខ្លួន​ពី​លើ​ស្ពាន​ជ្រោយ​ចង្វារ​​ តែ​មិន​បាន​សម្រេច​ដោយ​សារ​​ប៉ូលិស​យាម​ស្ពាន​ឃាត់​ទាន់​។

រាជ​ធានី​ភ្នំពេញ ៖ ​​កម្មករ​​ ​កម្ម​ការិ​នី​ ប្រមាណ​៣០​នាក់​ ដែល​អះអាង​ថា​មក​ពី​រោងចក្រ​បោះ​ពុ​ម្ពហ្វូ​គួ​យ ក្រុមហ៊ុន​ឆាង​តុង​ព្រី​ន​ធី​ង ដែល​មាន​អា​សយ​ដ្ឋា​ន ​នៅ​ភូមិ​ត្នោត​ជ្រុំ ផ្លូវ​ទំនប់​បឹង​ទំពុន សង្កាត់​បឹង​ទំពុន ខណ្ឌមានជ័យ

រាជធានី​ភ្នំពេញ ៖ អនុ​សាខា​កាកបាទក្រហម​ខណ្ឌមានជ័យ កាលពី​វេលា​ព្រឹក​ថ្ងៃ​ទី​២៧ ឧសភា ២០១៥ នេះ បាន​នាំ​យក​អំណោយ​ទៅ​ចែក​ជូន​លោកយាយ​ចំណាស់​ទុរគត​ម្នាក់ ដែល​ស្នាក់​នៅផ្ទះ​ជួល​ក្នុង​ក្រុម​ទី​៧ ភូមិ​ប្ញ​ស្សី សង្កាត់​ស្ទឹង​មាន​ជ័យ ខណ្ឌមានជ័យ

Copyright © 2010 Koh Santepheap Daily, All rights reserved.
Email: info@kspg.co | Online Advertise: ads@kspg.co | Phone: 023 987 118
Hosted by